ଲୋକସଭାରେ ବନ୍ଦ କରିଦେଲେ ରାହୁଲଙ୍କ ମାଇକ୍ରୋଫୋନ୍‌…..

ରିପୋର୍ଟ କାର୍ଡ / ନୂଆଦିଲ୍ଲୀ

ଲୋକସଭାରେ ନିଟ୍‌ ପ୍ରସଙ୍ଗ ଉଠାଇବା ବେଳେ କଂଗ୍ରେସ ନେତା ରାହୁଲ ଗାନ୍ଧୀଙ୍କ ମାଇକ୍ରୋଫୋନ୍‌କୁ ବନ୍ଦ କରି ଦିଆଯାଇଥିବା ଅଭିଯୋଗ ହୋଇଛି | ରାହୁଲ ଗାନ୍ଧୀ ବାଚସ୍ପତି ଓମ ବିର୍ଲାଙ୍କୁ ମାଇକ୍ରୋଫୋନ ପାଇଁ ନିବେଦନ କରୁଥିବାର ଏକ ଭିଡିଓ କଂଗ୍ରେସହ ସୋସିଆଲ୍‌ ମିଡିଆ ପୋଷ୍ଟ୍‌ କରିଛି। ଆଜି ଗୃହରେ ରାହୁଲ ଗାନ୍ଧୀ ନିଟ୍‌ ବିବାଦ ଉପରେ ବିତର୍କ କରି ସରକାରଙ୍କ ପକ୍ଷରୁ ଏକ ବିବୃତି ଦାବି କରିଥିଲେ। କଂଗ୍ରେସର ମାଇକ୍ରୋଫୋନ୍‌ ବନ୍ଦ ପ୍ରସଂଗରେ ଏହାର ଜବାବରେ ବାଚସ୍ପତି ଓମ ବିର୍ଲା ସ୍ପଷ୍ଟ କରିଛନ୍ତି ଯେ ସେ ସାଂସଦମାନଙ୍କ ମାଇକ୍ରୋଫୋନ୍ ବନ୍ଦ କରନ୍ତି ନାହିଁ ଏବଂ ସାଂସଦମାନଙ୍କ ମାଇକ୍ରୋଫୋନ୍‌ ବନ୍ଦ ହେବା ଉପରେ ତାଙ୍କର ନିୟନ୍ତ୍ରଣ ନାହିଁ। ଗୋଟିଏ ପଟେ ନରେନ୍ଦ୍ର ମୋଦୀ ନିଟ୍‌ ପ୍ରସଂଗରେ କିଛି କହୁନାହାଁନ୍ତି, ଅନ୍ୟପକ୍ଷେ ବିରୋଧୀଦଳ ନେତା ରାହୁଲ ଗାନ୍ଧୀ ଗୃହରେ ଯୁବକଙ୍କ ସ୍ୱର ଉତ୍ତୋଳନ କରୁଛନ୍ତି। କିନ୍ତୁ ଏଭଳି ଏକ ଗୁରୁତ୍ବପୂର୍ଣ୍ଣ ପ୍ରସଙ୍ଗରେ ଯୁବକଙ୍କ ସ୍ୱରକୁ ଦମନ କରିବା ପାଇଁ ଷଡ଼ଯନ୍ତ୍ର ହୋଇଛି। ମାଇକ୍ ଅଫ୍ କରିବା ଭଳି ଶସ୍ତା କାର୍ଯ୍ୟ କରାଯାଇଛି‌ ବେ‌ାଲି କଂଗ୍ରେସ ଟ୍ୱିଟ୍ କରି କହିଛି। ନିଟ୍‌-ୟୁଜି ୨୦୨୪ ପରୀକ୍ଷାର ପ୍ରଶ୍ନ ପତ୍ର ଲିକ୍ ମାମଲା ଛାତ୍ରଛାତ୍ରୀଙ୍କ ଦ୍ୱାରା ଦେଶବ୍ୟାପୀ ବିରୋଧ ପ୍ରଦର୍ଶନ କରାଯାଇଛି। ଏହି ପ୍ରକ୍ରିୟା ଆରମ୍ଭ ହେବାପରେ କଂଗ୍ରେସ ସାଂସଦ କେ.ସି ଭେନୁଗୋପାଲ କାଗଜ ଲିକ୍ ମାମଲା ଉପରେ ଆଲୋଚନା ପାଇଁ ଲୋକସଭାରେ ସ୍ଥଗିତାଦେଶ ଦାଖଲ କରିଥିଲେ। ତେବେ ବାଚସ୍ପତି କହିଛନ୍ତି ଯେ ସଂସଦରେ ରାଷ୍ଟ୍ରପତିଙ୍କ ସମ୍ବୋଧନ ବିଷୟରେ ଆଲୋଚନା କରିବା।’’