ଏହି ଜିନିଷ ଉପରେ ଲାଗିବନି ଗସ୍ତ GST…..

ରିପୋର୍ଟ କାର୍ଡ / ନୂଆଦିଲ୍ଲୀ

ଦେଶରେ ଟିକସ ବ୍ୟବସ୍ଥାକୁ ସରଳ କରିବା ଏବଂ ଲୋକଙ୍କୁ ସିଧାସଳଖ ଲାଭ ଦେବା ପାଇଁ ମୋଦି ସରକାର ଏକ ବଡ଼ ପଦକ୍ଷେପ ନେଇଛନ୍ତି। GST ପରିଷଦର ୫୬ତମ ବୈଠକରେ ଅନେକ ଅତ୍ୟାବଶ୍ୟକୀୟ ନିତ୍ୟ ବ୍ୟବହାର୍ଯ୍ୟ ସାମଗ୍ରୀ ଏବଂ ସେବା ଉପରୁ GST ହଟାଇବା ପାଇଁ ନିଷ୍ପତ୍ତି ନିଆଯାଇଛି, ଯାହା ସାଧାରଣ ଲୋକଙ୍କ ପକେଟ ଉପରେ ସକାରାତ୍ମକ ପ୍ରଭାବ ପକାଇବ। ଏହି ବୈଠକ କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇଥିଲା। ବୈଠକରେ ଟିକସ ହାରରେ ପରିବର୍ତ୍ତନ ସହିତ ଟିକସ ସ୍ଲାବକୁ ପୁଣି ସରଳ କରିବା ପାଇଁ ମଧ୍ୟ ଦ୍ରୁତ ଗତିରେ କାମ କରାଯାଉଛି।

ଏହି ଜିନିଷ ଉପରେ ଲାଗିବନି GST ବୈଠକ ପରେ ଅର୍ଥମନ୍ତ୍ରୀ ସୂଚନା ଦେଇଥିଲେ ଯେ ଏବେ କ୍ଷୀର, ଛେନା ଏବଂ ପନିର ଉପରେ କୌଣସି ଟିକସ ପଡ଼ିବ ନାହିଁ। ପୂର୍ବରୁ ଏଗୁଡ଼ିକ ଉପରେ 5% GST ଲାଗୁ କରାଯାଉଥିଲା। ଏବେ ଶିକ୍ଷା ସମ୍ବନ୍ଧୀୟ ସାମଗ୍ରୀ ଏବଂ ସ୍ୱାସ୍ଥ୍ୟ ବୀମା ଭଳି ସେବା ଉପରେ ଶୂନ୍ୟ ଟିକସ ଲାଗୁ କରିବା ପାଇଁ ମଧ୍ୟ ନିଷ୍ପତ୍ତି ନିଆଯାଇଛି ।

ଦେଖନ୍ତୁ କେଉଁଥିରେ ଲାଗିବନି GST…..

ଛେନା ଏବଂ ପନିରଭାରତୀୟ ରୁଟିବ୍ୟକ୍ତିଗତ ସ୍ୱାସ୍ଥ୍ୟ ଏବଂ ଜୀବନ ବୀମା ପଲିସିମାନଚିତ୍ର, ଚାର୍ଟ ଏବଂ ଗ୍ଲୋବ୍ସଜୀବନ ରକ୍ଷାକାରୀ ଔଷଧଷ୍ଟେସନାରୀ ସାମଗ୍ରୀ: ବ୍ୟାୟାମ ପୁସ୍ତକ, ନୋଟବୁକ୍, ପେନସିଲ୍, ସାର୍ପନର୍ ଏବଂ ଇରେଜରଟିକସ ସ୍ଲାବରେ ବଡ଼ ପରିବର୍ତ୍ତନ-

ଥିଲା ୧୨% ହେଲା ୫%

ଲହୁଣୀ, ଘିଅ, ଦୁଗ୍ଧଜାତୀୟ ସାମଗ୍ରୀ, ନମକିନ, ଭୁଜିଆ, ମିକ୍ସଚର, ବାସନକୁସନ, ପିସ୍ତା, ଅଳେଇଚ, ସପୁରୀ, ପିଜୁଳି, ଆମ୍ବ, କମଳା, ଅଙ୍ଗୁର, ଲେମ୍ବୁ,ଉଲ୍ ପ୍ରାଣୀଜାତୀୟ ଚର୍ବି, ପ୍ରିଜର୍ଭଡ ମିଟ, ଫିଡିଂବୋତଲ, ପିଲାଙ୍କ ନାପକିନ, କ୍ଲିନିକାଲ ଡାଏପର, ସିଲେଇ ମେସିନ ଯନ୍ତ୍ରାଂଶ, ସମସ୍ତ ଡାଏଗ୍ନୋଷ୍ଟିକ କିଟ ଓ ରିଏଜେଣ୍ଟ, ଗ୍ଳୁକୋମିଟର, ଟେଷ୍ଟ ଟ୍ରିପ, କରେକ୍ଟିଭ ସ୍ପେକ୍ଟାକଲ, ବାୟୋପେଷ୍ଟିସାଇଡ, ମାଇକ୍ରୋ ନୁଟ୍ରିଣ୍ଟ, ବୁନ୍ଦା ଜଳସେଚନ ସାମଗ୍ରୀ ଓ ସ୍ପ୍ରିଙ୍କଲର, କୃଷି, ଉଦ୍ୟାନ, ଜଙ୍ଗଲରେ ମୃତ୍ତିକା ସମ୍ପର୍କିତ କାମରେ ଲାଗୁଥିବା ମେସିନ, ଛତୁ, ଜାମ, ବାଦାମ, କାଜୁ, ଆମ୍ବ, ଲେମ୍ବୁ, କମଳା, ସପୁରୀ ଜୁସ, ଡାଏବେଟିକ ଖାଦ୍ୟପଦାର୍ଥ, ପାନୀୟ ଜଳ ବୋତଲ, ଫଟୋଗ୍ରାଫିକ ପ୍ଲେଟ, ଆୟୋଡିନ, ସଲଫୁରିକ ଏସିଡ ।

ଥିଲା ୧୨% ହେଲା ୦%

ମ୍ୟାପ, ଗ୍ଲୋବ, ଚାର୍ଟ, ପେନସିଲ, ସାର୍ପେନର, କ୍ରେୟନ, ପାଷ୍ଟେଲ, ଏକ୍ସରସାଇଜ ବୁକ୍ ନୋଟବୁକ, ଇରେଜର|

ଥିଲା ୫% ହେଲା ୦%

ୟୁଏଚଟି ଦୁଗ୍ଧ, ଛେନା, ପନୀର, ଚଖରା, ଚପାତି, ରୁଟି,ପିଜା ବ୍ରେଡ, ଆଗଲସିଡେସ ବେଟା, ଇମଗ୍ଲୁସେରେଜ, ଏପଟାକଗ ଆଲଫା ମେଡିସିନ|

ଥିଲା ୫% ହେଲା ୧୮%

ଶୁଙ୍ଘାଯାଉଥିବା ତମାଖୁ, ତମାଖୁଜାତୀୟ ସାମଗ୍ରୀ |

ଥିଲା ୧୮% ହେଲା ୫%

କେଶତୈଳ, ସାମ୍ପୋ, ଟୁଥପେଷ୍ଟ, ଟଏଲେଟ ସାବୁନ, ଟୁଥ୍ ବ୍ରସ, ସେଭିଂକ୍ରିମ, ମାର୍ଗାରିନ, ଲିନୋକ୍ସିନ, ଷ୍ଟାର୍ଚ, କୋକୋଆ, ମେଡିକାଲ ଗ୍ରେଡ ଅକ୍ସିଜେନ, ଟ୍ରାକ୍ଟର ଟାୟାର ଓ ପାର୍ଟସ, ସିନ୍ଥେଟିକ ବା ଆର୍ଟିଫିସିଆଲ ଫିଲାମେଣ୍ଟ ଟୋ,

ଥିଲା ୧୮% ହେଲା ୦%

ବ୍ୟକ୍ତିଗତ ସ୍ବାସ୍ଥ୍ୟବୀମୀ ଓ ଜୀବନ ବୀମା, ପରଟା |

ଥିଲା ୨୮% ହେଲା ୧୮%

ପେଟ୍ରୋଲ ଓ ପେଟ୍ରୋଲ ହାଇବ୍ରିଡ, ଏଲପିଜି, ସିଏନଜି କାର, ଡିଜେଲ ଓ ଡିଜେଲ ହାଇବ୍ରିଡ କାର, ୩ ଚକିଆ ଯାନ, ୩୫୦ସିସିରୁ ଅଧିକ ବାଇକ, ସାମଗ୍ରୀ ପରିବହନ କରୁଥିବା ମୋଟର ଯାନ, ଏୟାର କଣ୍ଡିସନର, ୩୨ଇଞ୍ଚରୁ ବଡ ଟିଭି, ଏଲଇଡି ଓ ଏଲସିଡି ଟିଭି, ମନିଟର ଓ ପ୍ରୋଜେକ୍ଟର, ଡିସ୍ ୱାସିଂ ମେସିନ, ବିଡ଼ି, ନୁମାଟିକ ଟାୟାର, ସାଇକେଲ ରବର ।

ଥିଲା ୨୮% ହେଲା ୪୦%

ପାନମସଲା, ଏରେଟେଡ ୱାଟର, ଆଡେଡ ସୁଗାର ବା ସୁଇଟେନିଂ ବା ଫ୍ଲେଭର୍ଡଯୁକ୍ତ ସାମଗ୍ରୀ, ଅଣଆଲକୋହୋଲିକ ପାନୀୟ, କାଫେନେଟେଡ ପାନୀୟ, ଅଣପ୍ରସ୍ତୁତ ତମାଖୁ, ସିଗାର, ଚିରୁଟ, ସିଗାରିଲୋ, ସିଗାରେଟ,ନିକୋଟିନଜାତ ସାମଗ୍ରୀ|

ବ୍ୟବସାୟୀମାନଙ୍କୁ ବଡ଼ ଆଶ୍ୱସ୍ତିଏହି ବୈଠକରେ କେବଳ ସାଧାରଣ ଲୋକଙ୍କ ପାଇଁ ନୁହେଁ ବରଂ କ୍ଷୁଦ୍ର ଏବଂ ମଧ୍ୟମ ବର୍ଗର ବ୍ୟବସାୟୀଙ୍କ ପାଇଁ ମଧ୍ୟ ଆଶ୍ୱସ୍ତିକର । GST ନିୟମକୁ ସରଳ କରିବା ଏବଂ ଟିକସ ଦାଖଲ ପ୍ରକ୍ରିୟାକୁ ସରଳ କରିବା ଉପରେ ଆଲୋଚନା ହୋଇଥିଲା। ଏହା ବ୍ୟବସାୟୀମାନଙ୍କ ପାଇଁ ପଞ୍ଜୀକରଣ ଏବଂ ରିଟର୍ଣ୍ଣ ଦାଖଲକୁ ବହୁତ ସହଜ କରିବ।