ପୁଟିନଙ୍କ ସହ ଆଲୋଚନାକୁ ପ୍ରତ୍ୟାଖ୍ୟାନ କଲେ ଜେଲେନ୍ସକି…..

ରିପୋର୍ଟ କାର୍ଡ / ନୂଆଦିଲ୍ଲୀ

ରୁଷ ଏବଂ ୟୁକ୍ରେନ ମଧ୍ୟରେ ଚାଲିଥିବା ଯୁଦ୍ଧକୁ ବନ୍ଦ କରିବା ପାଇଁ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଉଭୟ ଦେଶର ରାଷ୍ଟ୍ରମୁଖ୍ୟଙ୍କୁ ପୃଥକ ଭାବରେ ଭେଟି ଆଲୋଚନା କରିଥିଲେ । ଏହାପରେ ଏହି ଯୁଦ୍ଧକୁ ବନ୍ଦ କରିବା ପାଇଁ କିଛି ପଦକ୍ଷେପ ନିଆଯାଇପାରିବ ବୋଲି ଆଶା କରାଯାଇଥିଲା । ଏହାପରେ ଦ୍ୱିପାକ୍ଷିକ ଏବଂ ତ୍ରିପାକ୍ଷିକ ବୈଠକ ବିଷୟରେ ଆଲୋଚନା ହୋଇଥିଲା, କିନ୍ତୁ ୟୁକ୍ରେନର ରାଷ୍ଟ୍ରପତି ଭୋଲୋଡିମିର ଜେଲେନ୍ସକି ଯୁଦ୍ଧ ମଧ୍ୟରେ ମସ୍କୋରେ ଆଲୋଚନା ପାଇଁ ରୁଷ ରାଷ୍ଟ୍ରପତି ପୁଟିନଙ୍କ ଆମନ୍ତ୍ରଣକୁ ପ୍ରତ୍ୟାଖ୍ୟାନ କରିଛନ୍ତି। ଜେଲେନ୍ସକି କହିଛନ୍ତି ଯେ ସେ ପ୍ରତିଦିନ ୟୁକ୍ରେନ ଉପରେ କ୍ଷେପଣାସ୍ତ୍ର ଆକ୍ରମଣ କରୁଥିବା ଦେଶର ରାଜଧାନୀକୁ ଯାଇପାରିବେ ନାହିଁ । ଏକ ସାକ୍ଷାତକାର ସମୟରେ ୟୁକ୍ରେନର ରାଷ୍ଟ୍ରପତି ପରାମର୍ଶ ଦେଇଥିଲେ ଯେ ଯଦି ପୁଟିନ୍‍ ଆଲୋଚନା କରିବାକୁ ଚାହାଁନ୍ତି, ତେବେ ସେ କିଭ୍‍ ଆସିବା ଉଚିତ୍‍ । ଜେଲେନ୍ସକି କହିଛନ୍ତି ସେ କିଭ ଆସିପାରିବେ । ଯେତେବେଳେ ମୋ ଦେଶ ପ୍ରତିଦିନ କ୍ଷେପଣାସ୍ତ୍ର ଏବଂ ଆକ୍ରମଣର ଶିକାର ହେଉଛି, ମୁଁ ମସ୍କୋ ଯାଇପାରିବି ନାହିଁ । ମୁଁ ଆତଙ୍କବାଦୀଙ୍କ ରାଜଧାନୀ ଯାଇପାରିବି ନାହିଁ ବୋଲି ସ୍ପଷ୍ଟ ମନା କରିଛନ୍ତି ଜେଲେନ୍ସକି ।