ମଙ୍ଗଳବାର ଇରାନ୍‌ ପାଇଁ ଶେଷ ଦିନ !…..

ରିପୋର୍ଟ କାର୍ଡ / ନୂଆଦିଲ୍ଲୀ

ମଧ୍ୟପ୍ରାଚ୍ୟ ଯୁଦ୍ଧ ଘନଘଟା ମଧ୍ୟରେ ଆମେରିକା ଇରାନକୁ ହର୍ମୁଜ୍ ପ୍ରଣାଳୀ ଖୋଲିବା ପାଇଁ ଏକ ନୂତନ ସମୟସୀମା ଦେଇଛି। ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ସୋସିଆଲ ମିଡିଆ ପ୍ଲାଟଫର୍ମ ‘ଟ୍ରୁଥ୍ ସୋସିଆଲ’ରେ ଏକ ଅତ୍ୟନ୍ତ ଆକ୍ରମଣାତ୍ମକ ଚେତାବନୀ ଜାରି କରି କହିଛନ୍ତି ଯେ ଇରାନକୁ ମଙ୍ଗଳବାର ରାତି ୮ଟା (ଭାରତୀୟ ସମୟ ବୁଧବାର ସକାଳ ୫ଟା ୩୦) ସୁଦ୍ଧା ହର୍ମୁଜ୍ ପ୍ରଣାଳୀକୁ ସମ୍ପୂର୍ଣ୍ଣ ଭାବରେ ଖୋଲିବାକୁ ପଡିବ ନଚେତ୍ ବଡ଼ ଧ୍ୱଂସର ସମ୍ମୁଖୀନ ହେବାକୁ ପଡିବ। ଆହୁରି ମଧ୍ୟ ସେ କହିଛନ୍ତି “ମଙ୍ଗଳବାର ଇରାନରେ ପାୱାର ପ୍ଲାଣ୍ଟ ଦିବସ ଏବଂ ସେତୁ ଦିବସ ହେବ। ଉଭୟ ଏକା ସମୟରେ! ଯେମିତି ପୂର୍ବରୁ କେବେ ହୋଇନଥିବ। ହର୍ମୁଜ୍ ପ୍ରଣାଳୀ ଖୋଲ,ନଚେତ୍ ତୁମେ ନର୍କରେ ରହିବ। ଟ୍ରମ୍ପ ସ୍ପଷ୍ଟ ଭାବରେ କହିଛନ୍ତି ଯେ ଯଦି ଇରାନ କୌଣସି ଚୁକ୍ତି କରେ ନାହିଁ କିମ୍ବା ପ୍ରଣାଳୀ ଖୋଲି ନଥାଏ, ତେବେ ଆମେରିକା ଇରାନର ପାୱାର ପ୍ଲାଣ୍ଟ ଏବଂ ସେତୁ ସମେତ ବେସାମରିକ ଭିତ୍ତିଭୂମିକୁ ସମ୍ପୂର୍ଣ୍ଣ ଭାବରେ ଧ୍ୱଂସ କରିବ। ଟ୍ରମ୍ପ ସ୍ପଷ୍ଟ ଭାବରେ କହିଛନ୍ତି, “ପ୍ରଣାଳୀ ଖୋଲି ଦିଅ, ନଚେତ୍ ନର୍କରେ ରହିବାକୁ ପ୍ରସ୍ତୁତ ହୁଅ।”