୨୦ ମହଲା ବିଲ୍ଡିଂରେ ଲାଗିଲା ନିଆଁ,୧୫ ଆହତ…..

ରିପୋର୍ଟ କାର୍ଡ / ମୁମ୍ବାଇ 

୨୦ ମହଲା ବିଶିଷ୍ଠ ବିଲ୍ଡିଂରେ ଅଗ୍ନିକାଣ୍ଡ ଘଟିଛି । ବିଲ୍ଡିଂରେ ଥିବା ପାୟ ୧୫ ଜଣ ଲୋକ ଆହତ ହୋଇଥିବା ସୂଚନା ମିଳିଛି | ଏଭଳି ଘଟଣା ଘଟିଛି ମୁମ୍ବାଇରେ ଏକ ୨୦ମହିଲା ବିଲ୍ଡିଂରେ । ଦମକଳ ବାହିନୀର କହିବାନୁସାରେ, କୋଠାର ୧୮ ମହଲାରେ ନିଆଁ ଲାଗିଯାଇଥିଲା । ସକାଳେ ୭ଟା ୩୦ରେ ଏହି ଅଘଟଣ ଘଟିଥିଲା । ସେମାନେ ପହଁଚି ନିଆଁକୁ ଆୟତ୍ତ କରିବାରେ ଲାଗିଛନ୍ତି । ଯେଉଁ କୋଠାରେ ନିଆଁ ଲାଗିଛି ତା ନିକଟରେ ହିଁ ଭାଟିଆ ହସ୍ପିଟାଲ ରହିଛି । ଅଗ୍ନିକାଣ୍ଡରେ ୧୫ଜଣ ଆହତ ଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି । ସେମାନଙ୍କ ମଧ୍ୟରୁ ୩ଜଣଙ୍କ ଅବସ୍ଥା ଗୁରୁତର ରହିଛି । ଯେଉଁ କୋଠାରେ ଅଗ୍ନିକାଣ୍ଡ ଘଟିଛି ତାହା ସ୍ଥାନୀୟ ଅଞ୍ଚଳରେ କମଳା ନାଁରେ ଜଣାଶୁଣା ଅଟେ । ତେବେ କେଉଁ କାରଣରୁ ଅଗ୍ନିକାଣ୍ଡ ଘଟିଲା ତାହା ସ୍ପଷ୍ଟ ହୋଇପାରି ନାହିଁ । ସର୍ଟ ସର୍କିଟରୁ ଏପରି ଘଟଥିବା ଅନୁମାନ କରାଯାଉଛି ।