ରାଜଧାନୀରେ ସିରିଜ୍‌ ଦୁର୍ଘଟଣା…..

ରିପୋର୍ଟ କାର୍ଡ / ଭୁବନେଶ୍ୱର

ଜୟଦେବ ଓଭରବ୍ରିଜରେ ମର୍ମନ୍ତୁଦ ଦୁର୍ଘଟଣା ଘଟିଛି। ଏକାସ୍ଥାନରେ ଦୁଇ ଦୁଇଟି ଦୁର୍ଘଟଣା ଘଟିଛି । ଘଟଣାସ୍ଥଳରେ ବାଇକ୍‌ ଆରୋହୀଙ୍କ ମୃତ୍ୟୁ ହୋଇଥିବା ବେଳେ ୩ରୁ ୪ଜଣ ଗୁରୁତର ହୋଇଛନ୍ତି । ସମସ୍ତଙ୍କୁ ଉଦ୍ଧାର କରି କ୍ୟାପିଟାଲ ହସ୍ପିଟାଲରେ ଭର୍ତ୍ତି କରାଯାଇଛି । ସୂଚନା ଅନୁସାରେ- ଭୁବନେଶ୍ବର ଜୟଦେବ ବିହାର ନିକଟ ଓଭରବ୍ରିଜରେ ରବିବାର ରାତିରେ ଦୁଇ ଦୁଇଟି ଦୁର୍ଘଟଣା ଘଟିଛି। ଖଣ୍ଡଗିରି ପଟୁ ବାଣୀବିହାର ଆଡକୁ ଯାଉଥିବା ବେଳେ ରାସ୍ତା କଡ଼ ଡିଭାଇଡରରେ ପିଟି ହୋଇ ଏକ ବାଇକ୍ ହୁତୁ ହୁତୁ ହୋଇ ଜଳି ଯାଇଥିଲା । ଘଟଣାସ୍ଥଳରେ ହିଁ ବାଇକ୍ ଚାଳକଙ୍କ ମୃତ୍ୟୁ ଘଟିଛି। ମୃତକଙ୍କ ପରିଚୟ କିନ୍ତୁ ମିଳି ପାରିନି । ସେପଟେ ସେହି ସ୍ଥାନରେ ରସୁଲଗଡ଼ ପଟୁ ଖଣ୍ଡଗିରି ଆସୁଥିବା ବେଳେ ଏକ ହାଇୱା ଟ୍ରକ୍ ସିରିଜ ଦୁର୍ଘଟଣା ଘଟାଇଥିଲା । ଗୋଟିଏ କାର୍ , ଗୋଟି ପିକଅପ ଭ୍ୟାନ୍ ସହ ଆଉ ଦୁଇଟି ଗାଡିକୁ ଧକ୍କା ମାରି ଡିଭାଇଡର ଅନ୍ୟପଟ ରାସ୍ତାକୁ ଚାଲି ଆସିଥିଲା । ଏହି ଦୁର୍ଘଟଣାରେ ୩ ରୁ ୪ଜଣ ଗୁରୁତର ହୋଇ କ୍ୟାପିଟାଲ ହସ୍ପିଟାଲରେ ଭର୍ତ୍ତି ହୋଇଛନ୍ତି ।