ତାତିଲେ କୁଡୁମୀ ଜାତି,ରୋକିଲେ ରେଳ…..

ରିପୋର୍ଟ କାର୍ଡ / ମୟୂରଭଞ୍ଜ

କୁଡ଼ୁମୀ ଜାତିକୁ ପୁନଃ ଆଦିବାସୀ ତାଲିକାଭୁକ୍ତ କରିବାକୁ ଦାବିକରି ରଣହୁଙ୍କାର ଦେଇଛନ୍ତି | ଉଭୟ ରାଜ୍ୟ ଓ କେନ୍ଦ୍ର ସରକାର କୁଡ଼ୁମୀ ଙ୍କୁ ଠକି ଥିବା କହି ପ୍ରତିବାଦରେ ଆଜି ରେଳରୋକ କରିଛନ୍ତି । କୁଡ଼ୁମୀ ଜାତି ଚେତାବନୀ ଦେଇଚନ୍ତି ସରକାର ଯଦି ତୁରନ୍ତ ପଦକ୍ଷେପ ନନିୟନ୍ତି ତେବେ ଆଗକୁ ଅଖଚକ ସବୁ ବନ୍ଦ ହେବ। କୁଡୁମୀ ଜାତିର ଶତାଧିକ ଲୋକ ବାରିପଦାର ଭଞ୍ଜପୁର ରେଳ ଷ୍ଟେସନ ନିକଟରେ ରେଳରୋକ କରି ଆନ୍ଦୋଳନ କରିଛନ୍ତି | ଫଳରେ ବାରିପଦାଠାରେ ବାଙ୍ଗିରିପୋଷି -ଭୁବନେଶ୍ୱର ସୁପର୍ ଫାଷ୍ଟ ଏବଂ ବାରିପଦା -ସାଲିମାର କଲିକତା ଟ୍ରେନ୍ ଅଟକି ରହିଛି। କୁଡୁମୀ ସେନା , ଆଦିବାସୀ କୁଡୁମୀ ସମାଜ ଏବଂ ମିଳିତ କୁଡୁମୀ ସମାଜ ପରି ସଂଗଠନମାନେ ଭିନ୍ନ ଭିନ୍ନ ସ୍ଥାନରେ ଏହି ରେଳ ରୋକ କରିଛନ୍ତି। ମୟୂରଭଞ୍ଜ ଜିଲ୍ଲାର ରାଇରଙ୍ଗପୁରର ଅଁଳା ଯୋଡ଼ିଠାରେ ମଧ୍ୟ ରେଳରୋକ କରାଯାଇଛି । ଫଳରେ ଶହ ଶହ ଯାତ୍ରୀ ହଇରାଣ ହେଉଛନ୍ତି। ଏହି ଦାବି ପରିପ୍ରେକ୍ଷୀରେ ଆଜି ଓଡ଼ିଆ,ପଶ୍ଚିମବଙ୍ଗ ଏବଂ ଝାରଖଣ୍ଡ ରାଜ୍ୟର କୁଡୁମୀ ସମ୍ପ୍ରଦାୟର ଲୋକମାନେ ଭିନ୍ନ ଭିନ୍ନ ସ୍ଥାନରେ ରେଳରୋକ କରୁଛନ୍ତି।