୨୦୨୬ ଅଗଷ୍ଟ ସୁଦ୍ଧା ଚାଲିବ ବୁଲେଟ ଟ୍ରେନ…..

ରିପୋର୍ଟ କାର୍ଡ / ନୂଆଦିଲ୍ଲୀ

୨୦୨୩-୨୪ ବଜେଟ୍‌ରେ ଭାରତୀୟ ରେଳବାଇ ନିମ‌ନ୍ତେ ୨.୪୦ ଲକ୍ଷ କୋଟି ଟଙ୍କାର ବ୍ୟୟବରାଦ ହୋଇଛି | ଆଉ ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ପ୍ରାପ୍ତ ବଜେଟ୍ ଖର୍ଚ୍ଚ ସମ୍ପର୍କରେ କହିଛନ୍ତି ଯେ ରେଳ ଷ୍ଟେସନର ବିକାଶ ଠାରୁ ଆରମ୍ଭ କରି ବନ୍ଦେ ଭାରତ ଏକ୍ସପ୍ରେସ, ମେଟ୍ରୋ ଏବଂ ହାଇଡ୍ରୋଜେନ ଟ୍ରେନ୍ ଭଳି ନୂତନ ଟେକ୍ନୋଲୋଜି ଟ୍ରେନ୍ ପାଇଁ ଏହି ଅର୍ଥ ବ୍ୟବହାର କରାଯିବ। ବଡ ଷ୍ଟେସନରୁ ଛୋଟ ଷ୍ଟେସନକୁ ବିଶ୍ୱସ୍ତରୀୟ କରିବା ପାଇଁ ମୋଟ ୧୨୭୫ଟି ପ୍ଲାଟଫର୍ମ ତିଆରି କରିବା ପାଇଁ କାର୍ଯ୍ୟ କରାଯିବ। ବନ୍ଦେ ଭାରତ ଏକ୍ସପ୍ରେସ ଟ୍ରେନର ଉତ୍ପାଦନକୁ ତ୍ୱରାନ୍ୱିତ କରିବା ପାଇଁ କାର୍ଯ୍ୟ କରାଯିବ। ବନ୍ଦେ ଭାରତ ଏକ୍ସପ୍ରେସ ବ୍ୟତୀତ ବନ୍ଦେ ମେଟ୍ରୋ ଟ୍ରେନ୍ ବଡ ବଡ ସହରରେ ଚଳାଚଳ କରିବ, ଯାହାର ଉତ୍ପାଦନ ଚଳିତ ବର୍ଷ ଠାରୁ ଆରମ୍ଭ ହେବ | ବୁଲେଟ୍ ଟ୍ରେନର କାମ ମଧ୍ୟ ଦ୍ରୁତ ଗତିରେ ଚାଲିଛି | ସେ କହିଛନ୍ତି ଯେ ବୁଲେଟ୍ ଟ୍ରେନ୍ ଅଗଷ୍ଟ ୨୦୨୬ ସୁଦ୍ଧା ଚାଲିବ। ରେଳ ମନ୍ତ୍ରୀ କହିଛନ୍ତି ଯେ ୬୦ ବର୍ଷ ତୁଳନାରେ ରେଳ ବିଦ୍ୟୁତିକରଣ କାର୍ଯ୍ୟ ମାତ୍ର ୮ ବର୍ଷରେ ଶେଷ ହୋଇଛି। ମନ୍ତ୍ରୀ କହିଛନ୍ତି ଯେ ୬୦ ହଜାର କିଲୋମିଟର ବିଦ୍ୟୁତିକରଣ କାର୍ଯ୍ୟ ହୋଇଥିବାବେଳେ ୮ ବର୍ଷରେ ୩୩ ହଜାର କିଲୋମିଟର କାର୍ଯ୍ୟ କରାଯାଇଛି।