‘ବିଜେପି’ରେ ଯୋଗ ଦେଲେ ଆନ୍ଧ୍ରର ପୂର୍ବତନ ମୁଖ୍ୟମନ୍ତ୍ରୀ…..

ରିପୋର୍ଟ କାର୍ଡ / ନୂଆଦିଲ୍ଲୀ

କଂଗ୍ରେସ ଛାଡିବାର କିଛି ସପ୍ତାହ ପରେ ଆଜି ଅବିଭକ୍ତ ଆନ୍ଧ୍ରପ୍ରଦେଶର ଶେଷ ମୁଖ୍ୟମନ୍ତ୍ରୀ କିରଣ କୁମାର ରେଡ୍ଡୀ ‘ବିଜେପି’ରେ ଯୋଗ ଦେଇଛନ୍ତି। କିଛି ସପ୍ତାହ ତଳେ ସେ କଂଗ୍ରେସର ମୁଖ୍ୟ ମଲ୍ଲିକାର୍ଜୁନ ଖଡ଼ଗେଙ୍କ ନିକଟକୁ ଇସ୍ତଫାପତ୍ର ପଠାଇଥିଲେ। ଆଜି ନୂଆଦିଲ୍ଲୀସ୍ଥିତ ‘ବିଜେପି’ ମୁଖ୍ୟାଳୟରେ ତାଙ୍କର ଯୋଗଦାନ ଉତ୍ସବ ଅନୁଷ୍ଠିତ ହୋଇଥିଲା। ସେଠାରେ ସଂସଦୀୟ ବ୍ୟାପାର ମନ୍ତ୍ରୀ ପ୍ରହ୍ଲାଦ ‌ଯୋଶୀ ତାଙ୍କୁ ଦଳରେ ସାମିଲ କରାଇଛନ୍ତି।