ରାଗି ମାଇକ ଫିଙ୍ଗିଲେ ଗେହଲଟ…..

ରିପୋର୍ଟ କାର୍ଡ / ନୂଆଦିଲ୍ଲୀ

ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ବାରମର ସର୍କିଟ ହାଉସରେ ଏକ କାର୍ଯ୍ୟକ୍ରମରେ ଯୋଗ ଦେଇଥିଲେ। ଏହି କାର୍ଯ୍ୟକ୍ରମକୁ କେବଳ ମହିଳାମାନଙ୍କୁ ଡକାଯାଇଥିଲା। ରାଜ୍ୟରେ ମହିଳାମାନଙ୍କ ପାଇଁ କରାଯାଇଥିବା ବିଭିନ୍ନ ଯୋଜନାରୁ ସେମାନେ କିପରି ଲାଭବାନ ହେଉଛନ୍ତି ଓ ଏଥିରେ କି ଅସୁବିଧା ରହିଛି, ସେ ନେଇ ସେମାନେ ମୁଖ୍ୟମନ୍ତ୍ରୀଙ୍କ ସହିତ ଆଲୋଚନା କରିଥିଲେ ଏବଂ ସେମାନଙ୍କ ମତ ଦେଇଥିଲେ। ତେବେ ଏହି କାର୍ଯ୍ୟକ୍ରମ ଚାଲିଥିବା ବେଳେ ମୁଖ୍ୟମନ୍ତ୍ରୀ ଅଶୋକ ଗେହଲଟ ହଠାତ୍ ରାଗି ଯାଇଥିଲେ ଓ ମାଇକ୍ରୋଫୋନଟିକୁ ଫୋପାଡ଼ି ଦେଇଥିଲେ। ମାଇକ୍ରୋଫୋନଟି କାମ ନ କରିବାରୁ ମୁଖ୍ୟମନ୍ତ୍ରୀ ରାଗି ଯାଇଥିଲେ ଓ ଏହାକୁ ଫିଙ୍ଗି ଦେଇଥିଲେ। ଏହାର ଭିଡିଓଟି ସୋଶାଲ ମିଡିଆରେ ଭାଇରାଲ ହେଉଛି।