ଡିଏଫଓ ବିଜୟ ପରିଡ଼ା ନିଲମ୍ବିତ…..

ରିପୋର୍ଟ କାର୍ଡ / ରାୟଗଡ଼ା

ରାୟଗଡ଼ା ଡିଏଫଓ ଡ.ବିଜୟ କୁମାର ପରିଡ଼ା ନିଲମ୍ବିତ ହୋଇଛନ୍ତି। ରାଜ୍ୟ ସରକାରଙ୍କ ଜଙ୍ଗଲ, ପରିବେଶ ଓ ଜଳବାୟୁ ପରିବର୍ତ୍ତନ ବିଭାଗ ପକ୍ଷରୁ ଏଭଳି ନିର୍ଦ୍ଦେଶନାମା ଜାରି କରାଯାଇଛି । ଆୟ ବହିର୍ଭୂତ ସମ୍ପତି ଠୁଳ ଅଭିଯୋଗରେ ଗତ ଅଗଷ୍ଟ ୨୪ ତାରିଖରେ ଭିଜିଲାନ୍ସ ବିଭାଗ ରାୟଗଡା ସମେତ ୭ଟି ସ୍ଥାନରେ ଏକକାଳୀନ ଚଢାଉ କରିଥିଲା । ନିଜ ଆୟର ୨୦୬ ଗୁଣା ଅଧିକ ସ୍ଥାବର ଅସ୍ଥାବର ସମ୍ପତ୍ତି ତାଙ୍କ ନିକଟରୁ ଉଦ୍ଧାର ହୋଇଥିଲା । ଯାହାର ସଠିକ୍ ହିସାବ ଦେଇ ନପାରି ଗିରଫ ହୋଇଥିଲେ ରାୟଗଡା ଡିଏଫଓ ବିଜୟ ପରିଡା । ତାଙ୍କୁ ଗିରଫ କରି ଭୁବନେଶ୍ଵର ସ୍ବତନ୍ତ୍ର ଭିଜିଲାନ୍ସ କୋର୍ଟ ଚାଲାଣ କରିଥିଲା ଭିଜିଲାନ୍ସ । ଏହାପରେ ଅଦାଲତ ତାଙ୍କୁ ୧୪ ଦିନିଆ ବିଚାର ବିଭାଗୀୟ ହାଜତକୁ ପଠାଇ ଦେଇଥିଲେ । ୨୪ ତାରିଖ ରାତିରେ ତାଙ୍କୁ ରାୟଗଡାସ୍ଥିତ ସରକାରୀ ବାସଭବନରୁ ଭୁବନେଶ୍ଵର ନେଇ ସେଠାରେ ପଚରାଉଚରା କରିବା ପରେ ୨୫ ତାରିଖରେ କୋର୍ଟ ଚାଲାଣ କରିଥିଲା ଭିଜିଲାନ୍ସ । ଏ ନେଇ ଭୁବନେଶ୍ଵର ଭିଜିଲାନ୍ସ କେସ ନମ୍ବର ୨୦ ଅନୁଯାୟୀ ଡିଏଫଓଙ୍କ ସହ ତାଙ୍କ ପତ୍ନୀଙ୍କ ନାମରେ ମଧ୍ୟ ମାମଲା ରୁଜୁ କରିଥିବା ଜଣାପଡିଛି।