୫୦ଟି ସ୍ଥାନରେ NIA ରେଡ୍‌…..

ରିପୋର୍ଟ କାର୍ଡ / ନୂଆଦିଲ୍ଲୀ

ଖଲିସ୍ତାନୀ ଆତଙ୍କବାଦୀ, ଗ୍ୟାଙ୍ଗଷ୍ଟର ଓ ଡ୍ରଗ୍‌ ଡିଲର୍ସ ମଧ୍ୟରେ ଥିବା କନେକସନ୍‌କୁ କାଟିବାକୁ ଅଣ୍ଟା ଭିଡ଼ିଛି ରାଷ୍ଟ୍ରୀୟ ସୁରକ୍ଷା ଏଜେନ୍ସି(NIA) । NIA ଏହି ଘଟଣାରେ ଏକସଙ୍ଗେ ୬ଟି ରାଜ୍ୟର ୫୦ରୁ ଊର୍ଦ୍ଧ୍ୱ ସ୍ଥାନରେ ଚଢ଼ାଉ କରିଛି। ରାଜ୍ୟଗୁଡ଼ିକ ମଧ୍ୟରେ ପଞ୍ଜାବ, ହରିୟାଣା, ରାଜସ୍ଥାନ, ଉତ୍ତରାଖଣ୍ଡ, ଉତ୍ତରପ୍ରଦେଶ ଓ ଦିଲ୍ଲୀ ବି ସାମିଲ ଅଛି। ପଞ୍ଜାବର ୩୦ଟି ସ୍ଥାନରେ NIA ଟିମ୍‌ ଚଢ଼ାଉ କରିଥିବା ବେଳେ ରାଜସ୍ଥାନର ୧୩, ହରିୟାଣାର ୪, ଉତ୍ତରାଖଣ୍ଡର ୨, ଦିଲ୍ଲୀ- ଏନସିଆର ଓ ଉତ୍ତରପ୍ରଦେଶରେ ଗୋଟିଏ ଗୋଟିଏ ଜାଗାରେ ଚଢ଼ାଉ ଜାରି ରହିଛି। NIA ସୂଚନା ଅନୁଯାୟୀ, ବିଦେଶରେ ଥିବା ଖଲିସ୍ତାନୀ ଆତଙ୍କବାଦୀ ଓ ଗ୍ୟାଙ୍ଗଷ୍ଟର ଭାରତରେ ଡ୍ରଗ୍ସ ଓ ଅସ୍ତ୍ରଶସ୍ତ୍ର ପାଇଁ ଫଣ୍ଡିଂ କରୁଛନ୍ତି। ଖଲିସ୍ତାନୀ ଆତଙ୍କବାଦୀ ଓ ଗ୍ୟାଙ୍ଗଷ୍ଟରଙ୍କ ଏହି ଫଣ୍ଡିଂ ଚେନ୍‌କୁ ଶେଷ କରିବାକୁ NIA ବିଭିନ୍ନ ସ୍ଥାନରେ ଚଢ଼ାଉ କରି ତନାଘନା କରୁଛି। ଏହି ମାମଲାରେ ଗିରଫ ହୋଇଥିବା ଆତଙ୍କବାଦୀଙ୍କ ନିକଟରୁ NIA ପ୍ରମାଣ ଯୋଗାଡ଼ କରିବାରେ ଲାଗି ପଡ଼ିଛି।