ମମିତା ହତ୍ୟା ମାମଲାରେ ସାମ୍ନାକୁ ଆସିଲା ନୂଆ ତଥ୍ୟ……

ରିପୋର୍ଟ କାର୍ଡ / କଳାହାଣ୍ଡି

ବହୁଚର୍ଚ୍ଚିତ ମହାଲିଙ୍ଗ ନସାଇନ୍ ପବ୍ଲିକ୍ ସ୍କୁଲ ଅଧ୍ୟକ୍ଷା ମମିତା ମେହେର ହତ୍ୟା ଘଟଣାରେ ନୂଆ ତଥ୍ୟ ସାମ୍ନାକୁ ଆସିଛି । ଘଟଣା ଦିନ ରାତିରେ ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁ ତାର ସହଯୋଗୀ ଡ୍ରାଇଭର ରାଧେ ହାତରେ ମଗେଇଥିଲା ପୁରୁଣା ଟାୟାର । ଗୋବିନ୍ଦ, ବିବେକ ଅଗ୍ରୱାଲଙ୍କ ନିକଟରୁ ସେହି ପୁରୁଣା ଟାୟାର ମଗାଇଥିଲା ବୋଲି ରାଧେ କହିଛି | ବିବେକ ଅଗ୍ରୱାଲ ତାଙ୍କ ଗୋଦାମରେ ଥିବା ଦୁଇଟି ପିକଅପର ପୁରୁଣା ଟାୟାର ଦେଇଥିଲେ । ସେହି ପୁରୁଣା ଟାୟାରକୁ ମମିତା ମେହେରକୁ ପୋଡିବାରେ ବ୍ୟବହାର କରାଯାଇଥିଲା ବୋଲି ସୂଚନା ମିଳୁଛି । ରାଧେର ୧୬୧ ବୟାନରେ ଏଭଳି ଖୁଲାସା ହୋଇଛି । ମମିତାଙ୍କୁ ହତ୍ୟା ପରେ ମୁଖ୍ୟ ଅଭିଯୁକ୍ତ ଗୋବିନ୍ଦ ଗତ ୮ ତାରିଖ ମଧ୍ୟାହ୍ନ ପ୍ରାୟ ୧୨ଟା ୩୦ରେ ବିବେକଙ୍କୁ ଫୋନ୍ କରିଥିଲା। ଡ୍ରାଇଭର ରାଧେଶ୍ୟାମ ଚଣ୍ଡି ଯାଇ ୨ଟି ଟାୟାର ଆଣିବ ବୋଲି କହିଥିଲା । ଦିନ ସାଢ଼େ ୩ଟାରେ ବିବେକଙ୍କଠାରୁ ରାଧେ ଟାୟାର ନେଇ ଆସିଥିଲା। ମମିତାଙ୍କୁ ଗୋବିନ୍ଦ ହତ୍ୟା କରି ଷ୍ଟାଣ୍ଡିୟମରେ ପୋତିଦେଇଥିବା ପରେ ମୁଁ ଜାଣିଥିଲି। ମୁଁ ଦେଇଥିବା ଦୁଇଟି ଟାୟାରାରେ ମମିତାଙ୍କୁ ପୋଡ଼ିଦେଇଥିବା ଜାଣିବାକୁ ପାଇଥିଲି ବୋଲି ବିବେକ ନିଜ ବୟାନରେ କହିଛନ୍ତି।