ରାଜଧାନୀରେ ବୀଭତ୍ସ ହତ୍ୟାକାଣ୍ଡ…..

ରିପୋର୍ଟ କାର୍ଡ / ଭୁବନେଶ୍ୱର

ରାଜଧାନୀ ଭୁବନେଶ୍ୱରରେ ବୀଭତ୍ସ ହତ୍ୟାକାଣ୍ଡ ଘଟିଛି । ଆଜି ଚନ୍ଦ୍ରଶେଖରପୁର ହାଉସିଂବୋର୍ଡରୁ ୨ ମୃତଦେହ ଉଦ୍ଧାର କରିଛି ପୋଲିସ । ସରକାରୀ ଡାକ୍ତରଖାନା ନିକଟସ୍ଥ ଏକ ଘର ଭିତରୁ ସ୍ତ୍ରୀ ଓ ତାଙ୍କ ସାନଭଉଣୀଙ୍କ ମୃତଦେହ ଉଦ୍ଧାର ହୋଇଥିବା ବେଳେ ମହିଳାଙ୍କ ସ୍ୱାମୀ ଏହି ହତ୍ୟାକାଣ୍ଡ ଘଟାଇଥିବା ପୋଲିସ ସନ୍ଦେହ କରୁଛି । ହତ୍ୟା ସନ୍ଦେହରେ ସ୍ୱାମୀ ବିଜୟ ସେଠୀଙ୍କୁ ପୋଲିସ ଅଟକ ରଖି ପଚରାଉଚରା କରୁଛି । ତେବେ ଏହି ହତ୍ୟାକାଣ୍ଡ ପାରିବାରିକ କଳହରୁ ହୋଇଥିବା ଅନୁମାନ କରାଯାଉଛି ।