ଶ୍ରଦ୍ଧାଳୁଙ୍କ ଉପରେ ମାଡି ଗଲା କାର୍‍,୬ ମୃତ……

ରିପୋର୍ଟ କାର୍ଡ / ନୂଆଦିଲ୍ଲୀ

ଗୁଜରାଟ ଅରାବଲ୍ଲି ଜିଲ୍ଲା ଅମ୍ବାଜିରେ ଆଜି ଏକ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି | ଦ୍ରୁତ ଗତିରେ ଯାଉଥିବା ଏକ କାର୍‍ ରାସ୍ତାରେ ଶ୍ରଦ୍ଧାଳୁଙ୍କ ଉପରେ ମାଡି ଯାଇଛି | ଫଳରେ ୬ ଜଣଙ୍କ ଶ୍ରଦ୍ଧାଳୁଙ୍କର ମୃତ୍ୟୁ ହୋଇଛି | ଏହାସହ ଆହୁରି ୭ ଜଣ ଗୁରୁତର ଆହତ ହୋଇଛନ୍ତି। ସେମାନଙ୍କୁ ତୁରନ୍ତ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି। ଖବର ପାଇ ପୋଲିସ ଓ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ସମସ୍ତ ମୃତାହତଙ୍କୁ ଉଦ୍ଧାର କରିଥିଲେ । ଅଧିକାଂଶ ଯାତ୍ରୀ ପଞ୍ଚମହଲ ଜିଲ୍ଲା କାକୋଲର ବାସିନ୍ଦା ବୋଲି ଜଣାପଡିଛି। ଯାତ୍ରୀମାନେ ଅମ୍ବାଜୀ ମନ୍ଦିର ଦର୍ଶନ ପାଇଁ ପାଦରେ ଚାଲି ଚାଲି ଯାଉଥିଲେ। ସେହି ସମୟରେ ଦ୍ରୁତ ଗତିରେ ଥିବା ଉକ୍ତ କାର୍‍ ଟି ସଭିଁଙ୍କୁ ଧକ୍କା ଦେଇଥିଲା।