ରିପୋର୍ଟ କାର୍ଡ / ନୂଆଦିଲ୍ଲୀ
କିଛି ରାଜ୍ୟରେ ହିଂସା ଦେଖିବାକୁ ମିଳିଛି । ନିକଟରେ ଓଡ଼ିଶା, ପଶ୍ଚିମବଙ୍ଗ ଓ ବିହାରର କିଛି ସ୍ଥାନରେ ହିଂସା ଦେଖିବାକୁ ମିଳିଥିଲା । ତେବେ ବିହାରର ସାସାରାମରେ ପୂର୍ବରୁ ହୋଇଥିବା ହିଂସା ଘଟଣାରେ ବିଜେପିର ଜଣେ ପୂର୍ବତନ ବିଧାୟକଙ୍କୁ ପୋଲିସ ଗିରଫ କରିଛି । ସାମ୍ପ୍ରଦାୟିକ ମାମଲା ଅଭିଯୋଗ ଆଧାରରେ ପୂର୍ବତନ ବିଧାୟକ ଜବାହର ପ୍ରସାଦଙ୍କୁ ତାଙ୍କୁ ଘରୁ ଗିରଫ କରାଯାଇଛି । ରାମନବମୀ ଅବସରରେ ବିହାରର ନାଳନ୍ଦା ଜିଲ୍ଲାର ବେହାରଶରିଫ ଓ ରୋହତାସ ଜିଲ୍ଲାର ସାସାରାମରେ ହିଂସା ଉଗ୍ରରୂପ ଧାରଣ କରିଥିଲା । ଏହି ମାମଲାରେ ବର୍ତ୍ତମାନ ସୁଦ୍ଧା ୧୭୩ ଜଣଙ୍କୁ ଗିରଫ କରାଯାଇ ସାରିଲାଣି । ହିଂସାକୁ ପ୍ରୋତ୍ସାହିତ କରିବା ଓ ଗୁଜବ ସୃଷ୍ଟିକାରୀଙ୍କ ବିରୋଧରେ ପୋଲିସ କଠୋର କାର୍ଯ୍ୟାନୁଷ୍ଠାନ ଗ୍ରହଣ କରୁଛି । ଗତ ମାସ ୩୧ ତାରିଖରେ ଘଟିଥିବା ସାମ୍ପ୍ରଦାୟିକ ହିଂସା ମାମଲାରେ ଜବାହରଙ୍କୁ ଗିରଫ କରାଯାଇଥିବା ଜଣାପଡ଼ିଛି ।






More Stories
ମହିଳାଙ୍କୁ ମିଳିବ ଋତୁସ୍ରାବ ଛୁଟି…..
ଓଡିଶା ସରକାରଙ୍କୁ ଟାର୍ଗେଟ କଲେ ମହୁଆ……
ଦକ୍ଷିଣ ଗାଜା ଉପରେ ଇସ୍ରାଏଲର ଆକ୍ରମଣ…..