ଟାଇଟାନିକ ଧ୍ୱଂସାବଶେଷ ଅନୁସନ୍ଧାନରେ ଯାଇ ୫ ମୃତ…..

ରିପୋର୍ଟ କାର୍ଡ / ନୂଆଦିଲ୍ଲୀ

ସମୁଦ୍ରର ଗଭୀରତାରେ ପୋତି ହୋଇଥିବା ଟାଇଟାନିକର ଧ୍ୱଂସାବଶେଷ ଦେଖାଇବାକୁ ଯାଇଥିବା ‘ଟାଇଟନ’ ବୁଡ଼ା ଜାହାଜରେ ଥିବା ସମସ୍ତ ଯାତ୍ରୀଙ୍କ ମୃତ୍ୟୁ ଘଟିଛି। ୫ ଜଣ ଟାଇଟାନିକର ଧ୍ୱଂସାବଶେଷ ଦେଖିବାର ସ୍ୱପ୍ନ ସହିତ ସମୁଦ୍ରର ଗଭୀରକୁ ଓହ୍ଲାଇଥିଲେ | ସେମାନେ ସମସ୍ତେ ବିଭିନ୍ନ ପୃଷ୍ଠଭୂମିରୁ ଆସିଥିଲେ, କିନ୍ତୁ ସମସ୍ତଙ୍କର ସମାନ ସ୍ୱପ୍ନ ଥିଲା । ଓସେନଗେଟର ସିଇଓ ଷ୍ଟକଟନ ରଶ, ବ୍ରିଟିଶ ଅରବପତି ହାମିଶ ହାର୍ଡିଙ୍ଗ, ପଲ-ହେନରୀ ନାର୍ଜିୟୋଲେଟ, ପାକିସ୍ତାନୀ ଟାଇକୁନ ଶାହଜାଦା ଦାଉଦ ଓ ତାଙ୍କ ପୁତ୍ର ସୁଲେମାନ ଦାଉଦ ରହିଥିଲେ |  କିନ୍ତୁ ସେମାନଙ୍କର ବୁଡ଼ାଜାହାଜ ଜଳର ଚାପକୁ ସହ୍ୟ କରିପାରି ନଥିଲା। ଫଳରେ ବିସ୍ଫୋରଣ ହୋଇଥିଲା ଏବଂ ସମସ୍ତ ପାଞ୍ଚଜଣ ଘଟଣାସ୍ଥଳରେ ମୃତ୍ୟୁ ବରଣ କରିଥିଲେ।  ପ୍ରଥମେ ସେମାନେ ସମସ୍ତେ କାନାଡାର ସେଣ୍ଟ ଜନ୍ସ ସହରରେ ଏକାଠି ହୋଇଥିଲେ ଏବଂ ପରେ ୧୯୧୨ ମସିହାରେ ବୁଡ଼ି ଯାଇଥିବା ଟାଇଟାନିକର ଅବଶିଷ୍ଟାଂଶ ଦେଖିବାକୁ ଏକ ମିଶନରେ ଯାତ୍ରା ଆରମ୍ଭ କରିଥିଲେ। ସୂଚନା ଯୋଗ୍ୟ,ଆଟଲାଣ୍ଟିକ୍ ମହାସାଗରର ତଳଭାଗରେ ଟାଇଟାନିକ୍ ଧ୍ୱଂସାବଶେଷ ଦେଖାଇବାକୁ ପର୍ଯ୍ୟଟକ ମାନଙ୍କୁ ନେଇ ଯାଇଥିବା ଏକ ୫ ଜଣିଆ ବୁଡ଼ାଜାହାଜ ନିଖୋଜ ହୋଇ ଯାଇଥିଲା। ସେହି ବୁଡ଼ାଜାହାଜକୁ ଠାବ କରିବା ପାଇଁ ଅନୁସନ୍ଧାନ ଜାରି ରହିଥିଲା। ବୋଷ୍ଟନରେ ଥିବା ଆମେରିକାର କୋଷ୍ଟଗାର୍ଡ ନିଶ୍ଚିତ କରିଥିଲା, ‘ଓସନଗେଟ୍ ଏକ୍ସପେଡିସନ୍’ ଦ୍ୱାରା ପରିଚାଳିତ ଏହି ମିଶନରେ ନିଖୋଜ ଥିବା ବୁଡ଼ାଜାହାଜକୁ ଠାବ କରିବା ଲାଗି ଦକ୍ଷିଣ ପୂର୍ବ କାନାଡା ଉପକୂଳରେ ଖୋଜାଖୋଜି ଜାରି ରହିଥିଲା।