୬୮ ବର୍ଷରେ ତୃତୀୟ ବିବାହ କଲେ ହରିଶ ସାଲଭେ…..

ରିପୋର୍ଟ କାର୍ଡ / ନୂଆଦିଲ୍ଲୀ

ହରିଶ ସାଲଭେ ତୃତୀୟ ଥର ବିବାହ କରିଛନ୍ତି। ଏହାପୂର୍ବରୁ ସେ ୨୦୨୦ ମସିହାରେ କାରୋଲିନ ବ୍ରୋସାର୍ଡଙ୍କୁ ବିବାହ କରିଥିଲେ। ଭାରତର ପୂର୍ବତନ ସଲିସିଟର ଜେନେରାଲ ତଥା ଦେଶର ବରିଷ୍ଠ ଓକିଲ ହରିଶ ସାଲଭେ ୬୮ ବର୍ଷ ବୟସରେ ତୃତୀୟ ଥର ପାଇଁ ବିବାହ କରିଛନ୍ତି। ଏଥର ସେ ଲଣ୍ଡନରେ ଟ୍ରିନା ନାମକ ଜଣେ ମହିଳାଙ୍କୁ ବିବାହ କରିଛନ୍ତି। ଲଣ୍ଡନରେ ଏକ ବିଶାଳ ବିବାହ ସମାରୋହ ଆୟୋଜନ କରି ହରିଶ ସାଲଭେ ବିବାହ କରିଥିଲେ, ଯେଉଁଥିରେ ନୀତା ଅମ୍ବାନୀ, ଲଲିତ ମୋଦୀଙ୍କ ସମେତ ଅନେକ ସେଲିବ୍ରିଟି ଯୋଗ ଦେଇଥିଲେ। ଏହାପୂର୍ବରୁ, ହରିଶ ସାଲଭେ ୨୦୨୦ ରେ କାରୋଲିନ ବ୍ରୋସାର୍ଡଙ୍କୁ ବିବାହ କରିଥିଲେ। ସେହି ବର୍ଷ ସାଲଭେ ତାଙ୍କର ପ୍ରଥମ ପତ୍ନୀ ମୀନାକ୍ଷୀ ସାଲଭେଙ୍କୁ ଛାଡପତ୍ର ଦେଇଥିଲେ। ହରିଶ ସାଲଭେ ଏବଂ ମୀନାକ୍ଷୀଙ୍କ ମଧ୍ୟ ଦୁଇଟି ଝିଅ ଅଛନ୍ତି। ବଡ଼ ଝିଅର ନାମ ସାକ୍ସି ଏବଂ ସାନ ଝିଅର ନାମ ସାନିଆ। ହରିଶ ସାଲଭେ ଦେଶର ଅନ୍ୟତମ ଦାମୀ ଆଇନଜୀବୀ ଏବଂ ମୁକେଶ ଅମ୍ବାନୀ, ରତନ ଟାଟା ଏବଂ ଅନ୍ୟାନ୍ୟ ବଡ ବ୍ୟକ୍ତିତ୍ୱଙ୍କ ପାଇଁ ମାମଲା ଲଢିଛନ୍ତି। ସାଲଭେ ଲଣ୍ଡନରେ ରୁହନ୍ତି ଏବଂ ସେଠାରୁ ଭିଡିଓ କନଫରେନ୍ସିଂ ମାଧ୍ୟମରେ ଭାରତରେ ଓକିଲାତି କରନ୍ତି। ଯେତେବେଳେ ସେ ଭାରତ ପକ୍ଷରୁ କୁଲଭୂଷଣ ଯାଦବଙ୍କ ମାମଲାରେ ଲଢୁଥିଲେ, ସେତେବେଳେ ସାଲଭେ ମଧ୍ୟ ଚର୍ଚ୍ଚାକୁ ଆସିଥିଲେ ଏବଂ ଏଥିପାଇଁ ସେ ମାତ୍ର ଗୋଟିଏ ଟଙ୍କା ନେଇଥିଲେ।