ରିପୋର୍ଟ କାର୍ଡ / ନୂଆଦିଲ୍ଲୀ
ଭାରତ ଯୋଡୋ ଯାତ୍ରା ବେଳେ ହୃଦଘାତରେ କଂଗ୍ରେସ ସାଂସଦ ସନ୍ତୋଖ ସିଂହ ଚୌଧୁରୀଙ୍କ ପରଲୋକ ଘଟିଛି। ଏଆଜି ସକାଳ ସମୟରେ ପଞ୍ଜାବର ଫିଲୌରଠାରେ ଭାରତ ଯୋଡୋ ଯାତ୍ରାରେ ଯାଉଥିବା ସମୟରେ ଜଳନ୍ଦରର କଂଗ୍ରେସ ସାଂସଦ ସନ୍ତୋଖ ସିଂହ ଚୌଧୁରୀଙ୍କ ସ୍ୱାସ୍ଥ୍ୟାବସ୍ଥା ଖରାପ ହୋଇଥିଲା। ସେଠାରୁ ତାଙ୍କୁ ତୁରନ୍ତ ହସ୍ପିଟାଲ ନିଆଯାଇଥିଲେ ମଧ୍ୟ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଏହି ଖବର ଜଣାପଡିବା ପରେ କଂଗ୍ରେସ ନେତା ରାହୁଲ ଗାନ୍ଧୀ ଭାରତ ଯୋଡୋ ଯାତ୍ରା ଛାଡି ହସ୍ପିଟାଲ ପହଞ୍ଚିବା ସହ ଗଭୀର ଶୋକ ବ୍ୟକ୍ତ କରିଛନ୍ତି। ଏହାସହ ପଞ୍ଜାବର ମୁଖ୍ୟମନ୍ତ୍ରୀ ଭଗୱନ୍ତ ମାନ୍ ମଧ୍ୟ ସାଂସଦ ସନ୍ତୋଖ ସିଂହଙ୍କ ବିୟୋଗରେ ଶୋକ ପ୍ରକାଶ କରିଛନ୍ତି। ପୂର୍ବତନ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂହ ମଧ୍ୟ ଶୋକ ପ୍ରକାଶ କରିଛନ୍ତି। ଆଜି ସକାଳେ ରାହୁଲ ଗାନ୍ଧୀଙ୍କ ନେତୃତ୍ୱରେ ପଞ୍ଜାବର ଫତେଗଡ ସାହିବ ଅର୍ନ୍ତଗତ ସିରହିନ୍ଦ୍ରୁ ଭାରତ ଯୋଡୋ ଯାତ୍ରା ଆରମ୍ଭ ହୋଇଥିଲା। ଲୁଧିୟାନା ନିକଟରେ ଜାରି ଯାତ୍ରା ସମୟରେ ସାଂସଦ ସନ୍ତୋଖ ସିଂହଙ୍କର ହୃଦଘାତ ହୋଇଥିଲା ବୋଲି ଖବର ମିଳିଛି।
More Stories
କଂଗ୍ରେସ ଓ ଶିବସେନାର ୨ୟ ପ୍ରାର୍ଥୀ ତାଲିକା ପ୍ରକଶ…..
ଝାଡ଼ଖଣ୍ଡ ନିର୍ବାଚନରେ ବ୍ରାଣ୍ଡ ଆମ୍ବାସାଡର ହେଲେ ଧୋନି…..
ବିଜେପିର ଷ୍ଟାର ପ୍ରଚାରକ ତାଲିକାରେ ଓଡ଼ିଶା ମୁଖ୍ୟମନ୍ତ୍ରୀ…..