ରିପୋର୍ଟ କାର୍ଡ / ନୂଆଦିଲ୍ଲୀ
ପଞ୍ଜାବର ନିର୍ବାଚନ ପାଇଁ କଂଗ୍ରେସ ୮୬ଟି ସିଟ୍ ପାଇଁ ପ୍ରାର୍ଥୀଙ୍କ ପ୍ରଥମ ତାଲିକା ପ୍ରକାଶ କରିଛି। ଚାମକୌର ସାହିବରୁ ମୁଖ୍ୟମନ୍ତ୍ରୀ ଚରଣଜିତ୍ ସିଂ ଚନ୍ନି ପ୍ରତିଦ୍ୱନ୍ଦ୍ୱିତା କରୁଥିବାବେଳେ ପଞ୍ଜାବ କଂଗ୍ରେସ ମୁଖ୍ୟ ନବଜୋତ ସିଂ ସିଦ୍ଧୁ ଅମୃତସର ପୂର୍ବରୁ ପ୍ରତିଦ୍ୱନ୍ଦ୍ୱିତା କରିବେ। ସୋନୁ ସୁଦଙ୍କ ଭଉଣୀ ମାଲବିକା ସୁଦ ମୋଗାରୁ ପ୍ରତିଦ୍ୱନ୍ଦ୍ୱିତା କରିବେ | ଗାୟକ ସିଦ୍ଧୁ ମୁସେୱାଲା ମାନସାରୁ ଲଢ଼ିବାକୁ ଥିବାବେଳେ ପଠାନକୋଟରୁ ଅମିତ ବିଜ ଏବଂ ଦିନାନଗରରୁ ଅରୁଣା ଚୌଧୁରୀ ପ୍ରତିଦ୍ବନ୍ଦିତା କରିବେ | ତେବେ ଆଜି ପ୍ରାର୍ଥୀ ତାଲିକା ପ୍ରକାଶ ପାଇବା ପୂର୍ବରୁ ସିଦ୍ଧୁ କେଉଁଠାରୁ ଲଢ଼ିବେ ତାହା ଉପରେ ସମସ୍ତଙ୍କର ନଜର ଥିଲା | କାରଣ ଚର୍ଚ୍ଚା ହେଉଥିଲା ଯେ ପଟିଆଲାରେ କଂଗ୍ରେସ ନିଜର ରାଜନୈତିକ ଆଭିମୁଖ୍ୟ ବଜାୟ ରଖିବାକୁ ଚାହୁଁଛି। ତେଣୁ କଂଗ୍ରେସ ରାଜ୍ୟ ସଭାପତି ନବଜୋତ ସିଂ ସିଦ୍ଧୁ, କ୍ୟାପଟେନ ଅମରିନ୍ଦର ସିଂଙ୍କ ବିରୋଧରେ ପଟିଆଲାରୁ ପ୍ରତିଦ୍ୱନ୍ଦ୍ୱିତା କରିପାରନ୍ତି କୁହାଯାଉଥିଲା | ଜିଲ୍ଲା କଂଗ୍ରେସ କମିଟିର ମୁଖ୍ୟ ନରିନ୍ଦର ପାଲ ଲାଲୀଙ୍କ ନେତୃତ୍ୱରେ ବହୁ ସଂଖ୍ୟକ କଂଗ୍ରେସ ନେତା ଏକ ସଂକଳ୍ପ ପାରିତ କରି ଏହାକୁ ଦଳର ହାଇକମାଣ୍ଡକୁ ପଠାଇଥିଲେ । ଏହି ସଂକଳ୍ପରେ କ୍ୟାପଟେନଙ୍କ ବିରୋଧରେ ସିଦ୍ଧୁଙ୍କୁ ଟିକେଟ ଦେବାକୁ ଦାବି କରାଯାଇଥିଲା । ତେବେ ରାଜନୈତିକ ସମୀକ୍ଷକଙ୍କ କହିବା ମୁତାବକ ପଟିଆଲା ଆସନ ବିଶେଷକରି ଗତ ୨୦ ବର୍ଷ ଧରି କ୍ୟାପଟେନ ଅମରିନ୍ଦର ସିଂ ଗଡ ହୋଇଥିବାବେଳେ ସେ ୨୦୦୨ ରୁ ୨୦୧୪ ପର୍ଯ୍ୟନ୍ତ କ୍ରମାଗତ ଭାବରେ ପଟିଆଲାରୁ ବିଧାୟକ ଥିଲେ। ୨୦୧୪ ରେ, ଅମୃତସର ଆସନରୁ ବିଜେପି ନେତା ଅରୁଣ ଜେଟଲୀଙ୍କ ବିରୋଧରେ ଲୋକସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା ହେତୁ କ୍ୟାପଟେନଙ୍କୁ ବିଧାନସଭା ସଦସ୍ୟ ଭାବରେ ଇସ୍ତଫା ଦେବାକୁ ପଡିଲା | ତଥାପି କ୍ୟାପଟେନଙ୍କ ପତ୍ନୀ ଏହି ଉପ-ନିର୍ବାଚନରେ ଜିତିବାରେ ସଫଳ ହୋଇଥିଲେ | ଏହା ପରେ, କ୍ୟାପଟେନ ପୁଣିଥରେ ୨୦୧୭ ବିଧାନସଭା ନିର୍ବାଚନରେ ପଟିଆଲା ଆସନ ଜିତିଥିଲେ | ତେଣୁ ସିଦ୍ଧୁଙ୍କୁ ନେଇ କଂଗ୍ରେସ ରିସ୍କ ନେବାକୁ ଚାଁହୁନଥିଲା |
Discussion about this post