ରିପୋର୍ଟ କାର୍ଡ / ନୂଆଦିଲ୍ଲୀ
ରାଜସ୍ଥାନ କଂଗ୍ରେସ କନ୍ଦଳର ସମାଧାନ ପାଇଁ ଜୋରଦାର ଉଦ୍ୟମ ଜାରି ରହିଛି। ଗତକାଲି ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ଏବଂ ପୂର୍ବତନ ଉପମୁଖ୍ୟମନ୍ତ୍ରୀ ସଚିନ ପାଇଲଟ କଂଗ୍ରେସ ମୁଖ୍ୟ ମଲ୍ଲିକାର୍ଜୁନ ଖଡ଼ଗେ ଏବଂ କଂଗ୍ରେସ ନେତା ରାହୁଲ ଗାନ୍ଧିଙ୍କୁ ଭେଟିଥିଲେ। କିନ୍ତୁ ଗତକାଲିର ବୈଠକରୁ କୌଣସି ନିଷ୍କର୍ସ ବାହାରି ପାରିନଥିବା ଜଣାପଡ଼ିଛି। ମିଳିଥିବା ସୂଚନାନୁଯାୟୀ ଖଡ଼ଗେ ଏବଂ ରାହୁଲ ପ୍ରଥମେ ଗେହଲଟଙ୍କୁ ଭେଟି ୨ ଘଣ୍ଟା ପର୍ଯ୍ୟନ୍ତ ଆଲୋଚନା କରିଥିଲେ। ଏହାପରେ ସେମାନେ ପୃଥକ୍ ଭାବେ ସଚିନ ପାଇଲଟଙ୍କ ସହ କଥା ହୋଇଥିଲେ। କିନ୍ତୁ ଏହି ବୈଠକରେ ଦୁଇ ନେତାଙ୍କ ମଧ୍ୟରେ ଥିବା ବିବାଦର କୌଣସି ସମାଧାନ ହୋଇପାରିନଥିବା ଜଣାପଡ଼ିଛି। ସଚିନ ପାଇଲଟ ଚଳିତ ମାସ ଶେଷ ସୁଦ୍ଧା ରାଜ୍ୟବ୍ୟାପୀ ଆନ୍ଦୋଳନ ପାଇଁ ଧମକ ଦେଇଥିବାବେଳେ ଏହା ପୂର୍ବରୁ ପାର୍ଟି ହାଇକମାଣ୍ଡ ଉଭୟ ଗେହଲଟ ଏବଂ ପାଇଲଟଙ୍କୁ ଭେଟି ବିବାଦର ସମାଧାନ କରିବାପାଇଁ ଚାହିଛନ୍ତି। ଖଡ଼ଗେ କହିଛନ୍ତି ଯେ ଉଭୟ ନେତା ସବୁକିଛି ପାର୍ଟି ହାଇ କମାଣ୍ଡଙ୍କ ଉପରେ ଛାଡ଼ି ଦେଇଛନ୍ତି।
More Stories
ଦେଶକୁ ବିଭ୍ରାନ୍ତ କରୁଛି ଇଣ୍ଡିଆ ମେଣ୍ଟ…..
ବଢ଼ିଲା କରୋନା ମାମଲା,ମାସ୍କ ପିନ୍ଧିବାକୁ ସତର୍କ ସୂଚନା ଜାରି….
ବିଶ୍ୱରେ ଭାରତ ଭଳି ଗଣତାନ୍ତ୍ରିକ ରାଷ୍ଟ୍ର ନାହିଁ…..