ତାଳଚେରକୁ ଜଗିବ ୧୨୩ ସିସିଟିଭି…..

ରିପୋର୍ଟ କାର୍ଡ / ତାଳଚେର

ତାଳଚେରରେ ଚୋରୀ, ଡକାୟତି ଓ ଖଣିରୁ କୋଇଲା ଲୁଟ୍ ରୁକିବାକୁ ପ୍ରଶାସନ ପକ୍ଷରୁ ଉଦ୍ୟମ କରାଯାଉଛି | ୧୨୩ ସିସିଟିଭି କୋଇଲା ଲୁଟ୍ ଉପରେ ନଜର ରଖିବ |ଏନେଇ ଅନୁଗୋଳ ଜିଲ୍ଲାପାଳ ସିଦ୍ଧାର୍ଥ ଶଙ୍କର ସ୍ୱାଇଁ। ଅନୁଗୋଳ ଜିଲ୍ଲାର ତାଳଚେର ସହର ଏବେ ଅପରାଧୀଙ୍କ ଚରାଭୂମି ପାଲଟିଯାଇଥିବା ବେଳେ ବିଶେଷ କରି ତାଳଚେର ସହରରେ ଅପରାଧ, ଟ୍ରାଫିକ୍ ନିୟମ ଉଲ୍ଲଂଘନ ଓ ଦୁର୍ଘଟଣା ଦିନକୁ ଦିନ ବଢ଼ି ବଢ଼ି ଚାଲିଛି। ଏହାକୁ ନିୟନ୍ତ୍ରଣ କରିବା ପାଇଁ ବହୁ ବିଳମ୍ବରେ ହେଲେ ମଧ୍ୟ ପୋଲିସ ଓ ଜିଲ୍ଲା ପ୍ରଶାସନର ନିଦ ଭାଙ୍ଗିଛି। ତାଳଚେର ଅଞ୍ଚଳରେ ଅପରାଧ ନିୟନ୍ତ୍ରଣ ପାଇଁ ଏକ ଡାଟା ବେଶ ପ୍ରସ୍ତୁତ କରାଯାଇଛି। ତାଳଚେର ପୋଲିସ ଓ ଜିଲ୍ଲା ପ୍ରଶାସନ ପକ୍ଷରୁ ଲଗାଯିବାକୁ ଥିବା ସିଟି ସର୍ଭେଲାନ୍ସ ସିଷ୍ଟମ ଦୁହିଁଙ୍କ ପାଖରେ ରହିବ। ଉକ୍ତ ସିଟି ସର୍ଭେଲାନ୍ସ ସିଷ୍ଟମର କଣ୍ଟ୍ରୋଲ ରୁମ ତାଳଚେର ଏସ୍ଡ଼ିପିଓ କାର୍ଯ୍ୟାଳୟ, ତାଳଚେର ଥାନା ଏବଂ ଜିଲ୍ଲା ପୋଲିସ ମୁଖ୍ୟ କାର୍ଯ୍ୟାଳୟରେ ରହିବ।