ଶ୍ରୀ ଜଗନ୍ନାଥ ମନ୍ଦି ପରିକ୍ରମା ପ୍ରକଳ୍ପ ସମୀକ୍ଷା କଲେ ୫-ଟି ସଚିବ ଭି.କେ. ପାଣ୍ଡିୟାନ…..

ରିପୋର୍ଟ କାର୍ଡ / ପୁରୀ

ଶ୍ରୀ ଜଗନ୍ନାଥ ମନ୍ଦିର ଚତୁପାର୍ଶ୍ଵ ପରିକ୍ରମା ପ୍ରକଳ୍ପ ନିର୍ମାଣ କାର୍ଯ୍ୟ ସମୀକ୍ଷା କରିଛନ୍ତି ୫-ଟି ସଚିବ ଭି.କେ. ପାଣ୍ଡିୟାନ । ଗୁରୁବାର ରାତିରେ ସେ ଅଚାନକ ପୁରୀ ଗସ୍ତରେ ଆସି ନିର୍ମାଣ ସ୍ଥଳ ପରିଦର୍ଶନ କରି ଏଜିଲ୍ଲାପାଳ ସମର୍ଥ ବର୍ମା ଏବଂ ଟାଟା ପ୍ରକଳ୍ପ ଅଧିକାରୀଙ୍କ ସହ ଆଲୋଚନା କରିଥିଲେ। ନିର୍ଦ୍ଧାରିତ ସମୟ ମଧ୍ୟରେ ପରିକ୍ରମା ମାର୍ଗ ନିର୍ମାଣ ଶେଷ କରିବାକୁ ଶ୍ରୀ ପାଣ୍ଡିୟାନ ବିଭାଗୀୟ ଅଧିକାରୀଙ୍କୁ ନିର୍ଦ୍ଦେଶ ଦେଇଛନ୍ତି । ପରିକ୍ରମା ମାର୍ଗ ପ୍ରକଳ୍ପରେ ଭକ୍ତଙ୍କ ପାଇଁ ଶୌଚାଳୟ, ଜିନିଷ ରଖିବା ଘର, ବିଶ୍ରାମ ସ୍ଥଳ, ବିଦ୍ୟୁତ ଯୋଗାଣ କେନ୍ଦ୍ର, ଏଟିଏମ , ଅଭ୍ୟର୍ଥନା ପ୍ରକୋଷ୍ଠ, ଦାନ ସଂଗ୍ରହ ଗୃହ ଏବଂ ସୁରକ୍ଷା କରିଡ଼ର ନିର୍ମାଣ ପ୍ରସ୍ତାବ ରହିଛି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏଥିପାଇଁ ଗତବର୍ଷ ନଭେମ୍ବର ୨୪ ତାରିଖରେ ଭିତ୍ତିପ୍ରସ୍ତର ସ୍ଥାପନ କରିଥିଲେ । ଟାଟା ପ୍ରକଳ୍ପକୁ ନିର୍ମାଣ ଦାୟିତ୍ଵ ଦିଆଯାଇଛି । ୧୮ ମାସ ମଧ୍ୟରେ ନିର୍ମାଣ କାର୍ଯ ଶେଷ କରିବାକୁ ସରକାର ନିର୍ଦ୍ଦେଶ ଦେଇଛନ୍ତି ।