ନୌସେନାରେ ୮ INS ମାହେ ସବମେରିନ୍ ସାମିଲ…..

ରିପୋର୍ଟ କାର୍ଡ / ନୂଆଦିଲ୍ଲୀ

ବଢିଲା ଭାରତୀୟ ନୌସେନାର ବଳ । ସାମିଲ ହେଲା ଆଠଟି INS ମାହେ ସବମେରିନ୍ । ଏହା ଆଣ୍ଟି-ୱାରଫେୟାର ଶ୍ୟାଲୋ ୱାଟର କ୍ରାଫ୍ଟ ସିରିଜର ପ୍ରଥମ ଯୁଦ୍ଧଜାହାଜ । ଏହାକୁ କୋଚି ସ୍ଥିତ କୋଚିନ୍ ସିପୟାର୍ଡ ଦ୍ୱାରା ସ୍ୱଦେଶୀ ଭାବରେ ଡିଜାଇନ୍ ଏବଂ ନିର୍ମାଣ କରାଯାଇଛି । ୭୮ ମିଟର ଲମ୍ବା ଏହି ଯୁଦ୍ଧଜାହାଜ ହେଉଛି ଭାରତୀୟ ନୌସେନାର ଡିଜେଲ ଇଞ୍ଜିନ୍-ୱାଟରଜେଟ୍ ମିଶ୍ରଣ ଦ୍ୱାରା ଚାଳିତ ସବୁଠାରୁ ବଡ଼ ଯୁଦ୍ଧଜାହାଜ। INS ମାହେକୁ ପାଣି ତଳେ ନଜର ରଖିବା, ସନ୍ଧାନ ଏବଂ ଉଦ୍ଧାର କାର୍ଯ୍ୟ କରିବା ପାଇଁ ଡିଜାଇନ୍ କରାଯାଇଛି । ଏହା କମ୍ ତୀବ୍ରତା ବିଶିଷ୍ଟ ସାମୁଦ୍ରିକ ଅଭିଯାନ ପରିଚାଳନା କରିବାରେ ମଧ୍ୟ ସକ୍ଷମ। INS ମାହେ ସମୁଦ୍ରକୂଳୀଆ ଅଞ୍ଚଳରେ ବୁଡ଼ାଜାହାଜ ବିରୋଧୀ ଯୁଦ୍ଧ କରିବାରେ ସକ୍ଷମ ଏବଂ ଉନ୍ନତ ମାଇନ୍ ବିଛାଇବା କ୍ଷମତା ସହିତ ସଜ୍ଜିତ । ଏହାର ସାମିଲ ହେବା ସହିତ, ଭାରତୀୟ ନୌସେନା ଏବେ ଅଗଭୀର ଜଳରେ ଶତ୍ରୁ ବୁଡ଼ାଜାହାଜକୁ ମୁକାବିଲା କରିବାର କ୍ଷମତା ରହିଛି ।