ପ୍ରଜ୍ୱଳଙ୍କ ବିରୋଧରେ ଦୁଷ୍କର୍ମ ମାମଲା ରୁଜୁ…..

ରିପୋର୍ଟ କାର୍ଡ / ନୂଆଦିଲ୍ଲୀ

ସେକ୍ସ ଟେପ୍ ଦୁର୍ନୀତିରେ ଜେଡି ସାଂସଦ ପ୍ରଜ୍ୱଳ ରେବନ୍ନାଙ୍କ ବିରୋଧରେ ଦୁଷ୍କର୍ମ ମାମଲା ଦାୟର କରାଯାଇଛି। ଏହାକୁ ନେଇ ବିଧାୟକଙ୍କ ବିରୋଧରେ ଏହା ଦ୍ୱିତୀୟ ମାମଲା ରୁଜୁ ହୋଇଛି । କର୍ଣ୍ଣାଟକ ପୋଲିସର ସ୍ୱତନ୍ତ୍ର ଅନୁସନ୍ଧାନକାରୀ ଦଳ (ଏସଆଇଟି) ଦ୍ୱାରା ଏହି ମାମଲା ଦାଖଲ କରାଯାଇଥିଲା । ଆଇପିସିର ଧାରା ୩୭୬ ଅନୁଯାୟୀ ଏହି ମାମଲା ଦାୟର କରାଯାଇଥିବା ସୂଚନା ରହିଛି। ପୂର୍ବତନ ପ୍ରଧାନମନ୍ତ୍ରୀ ଏଚଡି ଦେବଗୌଡ଼ାଙ୍କ ନାତି ପ୍ରଜ୍ବଳଙ୍କ ବିରୋଧରେ ରୁଜୁ ହୋଇଥିବା ମାମଲାରେ ସେ ଏକମାତ୍ର ଅଭିଯୁକ୍ତ ବୋଲି ନାମିତ କରାଯାଇଛି। ଏସଆଇଟି ଅଧିକାରୀମାନେ ଗୁରୁବାର ମାଜିଷ୍ଟ୍ରେଟଙ୍କ କୋର୍ଟରେ ଏଫଆଇଆର ଦାଖଲ କରିଥିଲେ। ଏହାପୂର୍ବରୁ ପ୍ରଜ୍ୱଳ ରେବନ୍ନା ଏବଂ ତାଙ୍କ ପିତା ତଥା କର୍ଣ୍ଣାଟକର ପୂର୍ବତନ ମନ୍ତ୍ରୀ ଏଚଡି ରେବନ୍ନାଙ୍କ ବିରୋଧରେ ଯୌନ ଉତ୍ପୀଡ଼ନ ମାମଲା ରୁଜୁ କରାଯାଇଥିଲା। ଚାଲିଥିବା ଲୋକସଭା ନିର୍ବାଚନରେ ​​ହାସନ ନିର୍ବାଚନମଣ୍ଡଳୀରୁ ନିର୍ବାଚନ ଲଢ଼ିବାକୁ ଚାହୁଁଥିବା ପ୍ରଜ୍ୱଳ ରେବନ୍ନାଙ୍କ ସୋସିଆଲ ମିଡିଆରେ କିଛି ଅଶ୍ଳୀଳ ଭିଡିଓ ସେୟାର ହେବା ପରେ ବିବାଦ ଲାଗି ରହିଛି। ଜେଡି (ଏସ) ସାଂସଦ ଏହି ଭିଡିଓଗୁଡିକ ନକଲି ବୋଲି ଅଭିଯୋଗ କରିଛନ୍ତି।