ପୁଟିନ-ମୋଦୀଙ୍କ ସାକ୍ଷାତରେ ଜେଲେନସ୍କି ତୀବ୍ର ଅସନ୍ତୋଷ…..

ରିପୋର୍ଟ କାର୍ଡ / ନୂଆଦିଲ୍ଲୀ

ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଆଜି ରୁଷ୍‌ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ସହ ବିଭିନ୍ନ ଦ୍ବିପାକ୍ଷିକ ଓ ଅନ୍ତର୍ଜାତୀୟ ପ୍ରସଙ୍ଗରେ ଆଲୋଚନା କରିଛନ୍ତି। ତେବେ ରୁଷ୍‌ ଦ୍ବାରା ୟୁକ୍ରେନ‌ର ପ୍ରମୁଖ ସହର ଉପରେ ଘନଘନ କ୍ଷେପଣାସ୍ତ୍ର ମାଡ଼ କରାଯିବା ସମୟରେ ମୋଦୀ ଏବଂ ପୁଟିନଙ୍କ ମଧ୍ୟରେ ଏହି ସାକ୍ଷାତ ହୋଇଥିବାରୁ ୟୁକ୍ରେନ ରାଷ୍ଟ୍ରପତି ବୋଲଡିମିର ଜେଲେନସ୍କି ତୀବ୍ର ଅସନ୍ତୋଷ ପ୍ରକାଶ କରିଛନ୍ତି। ଜେଲେନସ୍କି କହିଛନ୍ତି, ବିଶ୍ବର ସର୍ବବୃହତ୍‌ ଗଣତନ୍ତ୍ରର ନେତା ବିଶ୍ବର ସବୁଠାରୁ ବଡ଼ ଯୁଦ୍ଧ ଅପରାଧୀଙ୍କୁ ଆଲିଙ୍ଗନ କରିବା ଅତ୍ୟନ୍ତ ନୈରାଶ୍ୟଜନକ ଏବଂ ଏହା ଶାନ୍ତି ଉଦ୍ୟମ ପାଇଁ ଶକ୍ତ ଝଟ୍‌କା।