ଆମ୍ବେଦକରଙ୍କ ଜୟନ୍ତୀ…..

ରିପୋର୍ଟ କାର୍ଡ / ଭୁବନେଶ୍ୱର

ଭାରତୀୟ ସମ୍ବିଧାନର ପ୍ରମୁଖ ବିନ୍ଧାଣି ଡ. ଭୀମରାଓ ଆମ୍ବେଦକରଙ୍କ ଜୟନ୍ତୀ | ୧୮୯୧ ମସିହା ଏପ୍ରିଲ ୧୪ ତାରିଖରେ ଏକ ଦଳିତ ପରିବାରରେ ଭୀମ ରାଓ ଜନ୍ମ ଗ୍ରହଣ କରିଥିଲେ | ଭାରତରେ କିଛି ଲୋକ ତାଙ୍କ ଜନ୍ମଦିନକୁ ସମାନତା ଦିବସ ଭାବରେ ମଧ୍ୟ ପରିଚିତ କରନ୍ତି। ବାବାସାହେବ ଆମ୍ବେଦକରଙ୍କ ପ୍ରଥମ ଜନ୍ମଦିନ ୧୪ ଏପ୍ରିଲ ୧୯୨୮ରେ ପୁଣେରେ ସାର୍ବଜନୀନ ଭାବରେ ପାଳନ କରିଥିଲେ | ଜନାର୍ଦ୍ଦନ ସଦାଶିବ ରଣପିସାୟ ଯିଏ ଜଣେ ଆମ୍ବେଦକରବାଦୀ ଏବଂ ସାମାଜିକ କର୍ମୀ ଥିଲେ। ସେ ବାବାସାହେବଙ୍କ ଜନ୍ମ ବାର୍ଷିକୀ ଆମ୍ବେଦକର ଜୟନ୍ତୀର ପରମ୍ପରା ଆରମ୍ଭ କରିଥିଲେ। ଆମ୍ବେଦକର ୧୯୦୭ ମସିହାରେ ମାଟ୍ରିକ ପାସ୍ କରିଥିଲେ। ତା’ପରେ, ସେ ଏଲଫିନଷ୍ଟୋନ କଲେଜରୁ ଅର୍ଥନୀତି ଏବଂ ରାଜନୀତି ବିଜ୍ଞାନରେ ବିଏ ସମ୍ମାନ ହାସଲ କରିଥିଲେ। ସେ ନ୍ୟୁୟର୍କର କଲମ୍ବିଆ ବିଶ୍ୱବିଦ୍ୟାଳୟରେ କଳାରେ ମାଷ୍ଟର୍ସ ପାଇଁ ନାମ ଲେଖାଇଥିଲେ ଏବଂ ୧୯୨୭ ମସିହାରେ ଅର୍ଥନୀତିରେ ପିଏଚଡି ହାସଲ କରିଥିଲେ। ୧୯୧୬ ମସିହାରେ, ସେ ଗ୍ରେ’ସ ଇନ୍‌ରେ ବାର କୋର୍ସ ପାଇଁ ପ୍ରବେଶ କରିଥିଲେ ଏବଂ ଏହା ସହିତ ସେ ଲଣ୍ଡନ ସ୍କୁଲ ଅଫ୍ ଇକୋନୋମିକ୍ସରୁ ଅର୍ଥନୀତିରେ ଆଉ ଏକ ଡକ୍ଟରେଟ ଥିସିସ୍ ମଧ୍ୟ କରିଥିଲେ। ଆମ୍ବେଦକର ୬୪ ବିଷୟରେ ସ୍ନାତକୋତ୍ତର ଥିଲେ ଏବଂ ୧୧ ଟି ଭାଷାରେ ଦକ୍ଷ ଥିଲେ। ୧୪ ଏପ୍ରିଲ ୧୯୯୦ରେ, ଆମ୍ବେଦକରଙ୍କୁ ଭାରତ ରତ୍ନ ପୁରସ୍କାରରେ ସମ୍ମାନିତ କରାଯାଇଥିଲା। ସେହି ବର୍ଷ ସଂସଦର କେନ୍ଦ୍ରୀୟ ହଲରେ ତାଙ୍କର ଜୀବନ ଆକାରର ଚିତ୍ର ମଧ୍ୟ ଉନ୍ମୋଚିତ ହୋଇଥିଲା। ବାବାସାହେବଙ୍କ ସ୍ମୃତିରେ ୧୪ ଏପ୍ରିଲ ୧୯୯୦ ରୁ ୧୪ ଏପ୍ରିଲ ୧୯୯୧ ପର୍ଯ୍ୟନ୍ତ ସମୟକୁ “ସାମାଜିକ ନ୍ୟାୟ ବର୍ଷ” ଭାବରେ ପାଳନ କରାଯାଇଥିଲା।