ଜୁନ୍ ୧ ପର୍ଯ୍ୟନ୍ତ ବଢ଼ିଲା ଲକଡାଉନ ଅବଧି…..

ରିପୋର୍ଟ କାର୍ଡ / ମୁମ୍ବାଇ

ଜୁନ୍ ୧ ପର୍ଯ୍ୟନ୍ତ ବଢ଼ିଲା ମହାରାଷ୍ଟ୍ରରର ଲକଡାଉନ୍ ଅବଧି । କରୋନା ନେଗେଟିଭ ରିପୋର୍ଟ ବିନା ରାଜ୍ୟକୁ ପ୍ରବେଶ ଉପରେ ପତିବନ୍ଧକ ଲଗାଇଲେ ମହାରଷ୍ଟ୍ର ସରକାର । କରୋନା ମହାମାରୀର ଭୟାବହତାକୁ ଦୃଷ୍ଟିରେ ରଖି ମହାରାଷ୍ଟ୍ର ସରକାର ଆଗାମୀ ଜୁନ୍ ୧ ପର୍ଯ୍ୟନ୍ତ ଲକଡାଉନ ଅବଧିକୁ ବୃଦ୍ଧି କରିଛନ୍ତି । ଏନେଇ ଆଜି ସରକାରଙ୍କ ପକ୍ଷରୁ ନିର୍ଦ୍ଦେଶାନାମା ଜାରି କରାଯାଇଛି । ସଂକ୍ରମଣରେ କାବୁ ପାଇବାକୁ ପୁରୁଣା ନିୟମ ସହ କିଛି ନୂଆ ନିୟମ ମଧ୍ୟ ଲାଗୁ କରାଯାଇଛି । ମହାରାଷ୍ଟ୍ରକୁ ଆସୁଥିବା ସମସ୍ତ ଲୋକଙ୍କ ପାଇଁ ଆରଟିପିସିଆର ନେଗେଟିଭ୍ ରିପୋର୍ଟ ଆଣିବା ବାଧ୍ୟତାମୂଳକ କରାଯାଇଛି । ରାଜ୍ୟରେ ପ୍ରବେଶ କରିବାର ୪୮ ଘଣ୍ଟା ପୂର୍ବରୁ ହୋଇଥିବା ଆବାଶ୍ୟକ ଏହି ରିପୋର୍ଟ । ପୂର୍ବରୁ ସର୍ବାଧିକ କରୋନା ପ୍ରଭାବିତ ଅଞ୍ଚଳରୁ ଆସୁଥିବା ଲୋକଙ୍କ ପାଇଁ ଥିଲା ଏହି ନିୟମ । କିନ୍ତୁ ବର୍ତ୍ତମାନ ଦେଶର ଯେକୌଣସି ସ୍ଥାନରୁ ଆସୁଥିବା ନାଗରିକଙ୍କ ପାଇଁ ଏହି ନିୟମ ଲାଗୁ ହୋଇଛି।