ତାଲିବାନକୁ ଆତଙ୍କବାଦୀ ସଂଗଠନ ତାଲିକାରୁ ହଟାଇବାକୁ ରୁଷର ସଂକେତ……

ରିପୋର୍ଟ କାର୍ଡ / ନୂଆଦିଲ୍ଲୀ

ଆଫଗାନିସ୍ତାନକୁ ଜବର ଦଖଲ କରିନେଇ ସାରିଛି ତାଲିବାନ | ଏହା ପରେ ଆଫଗାନ ବାସୀଙ୍କ ଉପରେ ତାଲିବାନ୍ର ବର୍ବରତା ଦେଖାଉଛି | ଏହି କ୍ରମରେ ଆଫଗାନିସ୍ତାନର ସ୍ଥିତି ସମ୍ପର୍କରେ ମସ୍କୋରେ ବୈଠକ ପରେ ବର୍ତ୍ତମାନ ରାଷ୍ଟ୍ରପତି ଭ୍ଲାଦିମିର ପୁଟିନ ତାଲିବାନ ବିଷୟରେ ଏକ ବଡ଼ ବିବୃତ୍ତି ଦେଇଛନ୍ତି । ପୁଟିନ କହିଛନ୍ତି ଯେ ରୁଷ ତାଲିବାନକୁ ଆତଙ୍କବାଦୀ ସଂଗଠନ ତାଲିକାରୁ ହଟାଇ ପାରିବ । ଏହା ସହ ପୁଟିନ କହିଛନ୍ତି ଯେ ମିଳିତ ଜାତିସଂଘ ସ୍ତରରେ ମଧ୍ୟ କିଛି ସମାନ ପରିବର୍ତ୍ତନ ଦେଖାଯିବା ଉଚିତ । ରିପୋର୍ଟ ଅନୁଯାୟୀ ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନ ଅନ୍ତର୍ଜାତୀୟ ଭାଲଡାଇ ଡିସ୍‌କସନ୍ କ୍ଲବ ବୈଠକରେ କହିଛନ୍ତି ଯେ ତାଲିବାନ ଆଫଗାନିସ୍ତାନର ସ୍ଥିତିକୁ କିପରି ନିୟନ୍ତ୍ରଣ କରୁଛି, ଆମେ ଆଶା କରୁଛୁ ଯେ ଆଫଗାନିସ୍ତାନର ସ୍ଥିତି ସକରାତ୍ମକ ଭାବେ ଜାରି ରହିବ । ପୁଟିନ କହିଛନ୍ତି ଯେ ତାଲିବାନ ସହ ଜଡିତ ସାଧାରଣ ନିଷ୍ପତ୍ତି ଉପରେ ଆମେ ଏକତା ବଜାୟ ରଖିବୁ ଏବଂ ଏହାକୁ ଆତଙ୍କବାଦୀ ସଂଗଠନ ତାଲିକାରୁ ହଟାଇବା ନିଷ୍ପତ୍ତି ଉପରେ ବିଚାର କରିବୁ । ୨୦୦୩ରେ ରୁଷ ଦ୍ବାରା ତାଲିବାନକୁ ଆତଙ୍କବାଦୀ ସଂଗଠନ ଘୋଷିତ କରାଯାଇଥିଲା । ଆନ୍ତର୍ଜାତୀୟ ଭାଲଡାଇ ଡିସ୍‌କସନ କ୍ଲବର ଏକ ବୈଠକରେ ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନ କହିଛନ୍ତି ଯେ ଆମେ ତାଲିବାନ ଉପରେ ଆମର ଆଭିମୁଖ୍ୟ ପରିବର୍ତ୍ତନ କରୁଛୁ । ତାଲିବାନକୁ ଆତଙ୍କବାଦ ତାଲିକାରୁ ବାହାର କରିବା ପାଇଁ ଆମେ ଏକ ନିଷ୍ପତ୍ତିର ଅତି ନିକଟତର । ଏହି ଦିଗରେ ରୁଷ ପଦକ୍ଷେପ ନେଉଛି, କିନ୍ତୁ ଆତଙ୍କବାଦୀ ସଂଗଠନ ତାଲିକାରେ ତାଲିବାନକୁ ଅନ୍ତର୍ଭୁକ୍ତ କରାଯିବା ଭଳି ପ୍ରକ୍ରିୟା ଅନୁଯାୟୀ ଏହି ନିଷ୍ପତ୍ତି ନିଆଯିବା ଉଚିତ ଭାବରେ ସେ ଏକୁଟିଆ ନୁହଁନ୍ତି । ପୁଟିନ କହିଛନ୍ତି, ‘ଆମେ ତାଲିବାନର ପ୍ରତିନିଧୀଙ୍କ ସହ ନିରନ୍ତର ଯୋଗାଯୋଗରେ ଅଛୁ । ଆମେ ତାଲିବାନକୁ ମସ୍କୋକୁ ନିମନ୍ତ୍ରଣ କରିଛୁ ଏବଂ ଆଫଗାନିସ୍ତାନରେ ମଧ୍ୟ ସେମାନଙ୍କ ସହ ଯୋଗାଯୋଗ ଜାରି ରଖିବୁ ।