ଆଜି ୫ ରାଜ୍ୟର ଭୋଟ ଗଣତି ଜାରି…..

ରିପୋର୍ଟ କାର୍ଡ / ନୂଆଦିଲ୍ଲୀ

ଉତ୍ତରପ୍ରଦେଶ, ପଞ୍ଜାବ, ଗୋଆ, ମଣିପୁର ଓ ଉତ୍ତରାଖଣ୍ଡର ମୋଟ ୬୯୦ଟି ବିଧାନସଭା ଆସନ ପାଇଁ ହୋଇଥିବା ମତଦାନର ଭୋଟ ଗଣତି ଜାରିରହିଛି | ଆଜି ସକାଳ ୮ଟାରୁ ଭୋଟ ଗଣତି ଆରମ୍ଭ ହୋଇଛି । ଭୋଟ ଗଣତି ପାଇଁ ନିର୍ବାଚନ ଆୟୋଗଙ୍କ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି । ଭୋଟ ଗଣତି ଏକଜିଟ୍‌ ପୋଲ ର ପୂର୍ବାନୁମାନ ଅନୁଯାୟୀ ଉତ୍ତରପ୍ରଦେଶରେ ବିଜେପି ଏହାର ସରକାର ବଜାୟ ରଖିବାକୁ ଥିବାବେଳେ ପଞ୍ଜାବରେ କଂଗ୍ରେସ ସରକାରର ପତନ ହେବ । ପଞ୍ଜାବରେ ଆମ ଆଦମୀ ପାର୍ଟି (ଆପ୍‌) ସରକାର ଗଠନ କରିବା ନେଇ ଏକଜିଟ୍ ପୋଲ୍‌ରେ ପୂର୍ବାନୁମାନ କରାଯାଇଛି। ତେବେ ଗୋଆ, ମଣିପୁର ଓ ଉତ୍ତରାଖଣ୍ଡରେ ସରକାର ଗଠନ ନେଇ ସ୍ପଷ୍ଟ ବହୁମତ ମିଳିବା ଆଶଙ୍କା ରହିଥିବା ଏକଜିଟ୍‌ ପୋଲରେ ପୂର୍ବାନୁମାନ କରାଯାଇଛି । ଏକଜିଟ୍ ପୋଲର ଏହିସବୁ ପୂର୍ବାନୁମାନ କେତେଦୂର ସତ ହେଉଛି ତାହା ଭୋଟ ଗଣତି ପରେ ସ୍ପଷ୍ଟ ହେବ। ଭୋଟ ଗଣତିକୁ ନେଇ ରାଜନୈତିକ ଦଳଗୁଡିକ ମଧ୍ୟରେ ଉତ୍ସାହ ଓ ଉଦ୍ଦୀପନା ଲାଗି ରହିଛି । ଉତ୍ତରପ୍ରଦେଶ ବିଧାନସଭା ଭୋଟ ଗଣତି ପାଇଁ ରାଜ୍ୟରେ ମଦ ବିକ୍ରି ନିଷିଦ୍ଧ କରାଯାଇଛି । ରାଜ୍ୟ ଅବକାରୀ ବିଭାଗ ନିର୍ଦେଶ ଅନୁଯାୟୀ ଆଜି ରାଜ୍ୟରେ ମଦ ବିକ୍ରି ହେବନାହିଁ।