ଡ୍ରାଇଭରଙ୍କ ଦାବିମାନିଲେ ରାଜ୍ୟସରକାର…..

ରିପୋର୍ଟ କାର୍ଡ / ଭୁବନେଶ୍ବର

ମୋଟର ଯାନ ଡ୍ରାଇଭର ଓ କର୍ମଚାରୀ କଲ୍ୟାଣ ଯୋଜନାକୁ ରାଜ୍ୟସରକାର ଅନୁମୋଦନ ଦେଇଛନ୍ତି। ଓଡ଼ିଶା ମୋଟର ଯାନ କଲ୍ୟାଣ ବୋର୍ଡର ପ୍ରସ୍ତାବକୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସ୍ବୀକୃତି ପ୍ରଦାନ କରିଛନ୍ତି। ଏହାସହିତ ରାଜ୍ୟ ସରକାରଙ୍କ ପକ୍ଷରୁ ସହାୟତା ସହାୟତା ଘୋଷଣା କରାଯାଇଛି।ଦୁର୍ଘଟଣାଜନିତ ମୃତ୍ୟୁ କ୍ଷେତ୍ରରେ ଚାଳକ ଓ କର୍ମଚାରୀଙ୍କୁ ମିଳିବ ୪ ଲକ୍ଷ ଟଙ୍କା ମିଳିବ ବୋଲି ରାଜ୍ୟ ସରକାର ଘୋଷଣା କରିଛନ୍ତି। ସେହିପରି ଅତି ଗଭୀର ଆହତ ହେଲେ ମିଳିବ ୮୦ ହଜାର ଟଙ୍କା ମଳିବାକୁ ଥିବାବେଳେ ସାଧାରଣ ମୃତ୍ୟୁ କ୍ଷେତ୍ରରେ ମିଳିବ ୨ ଲକ୍ଷ ଟଙ୍କା ଏବଂ ସ୍ଥାୟୀ ଅକ୍ଷମତା ମାମଲାରେ ଦେଢ଼ ଲକ୍ଷ ଟଙ୍କା ମିଳିବ ବୋଲି ଘୋଷଣା କରାଯାଇଛି। ବିଜୁ ସ୍ବାସ୍ଥ୍ୟ କଲ୍ୟାଣ ଯୋଜନା ଓ ମଧୁ ପେନସନ ଯୋଜନାରେ ଚାଳକମାନଙ୍କୁ ଯୋଗ୍ୟତା ଭିତ୍ତିରେ ଅନ୍ତର୍ଭୁକ୍ତ କରାଯିବ। ଏହା ଦ୍ବାରା ୫ଲକ୍ଷରୁ ଅଧିକ ଚାଳକ ଓ କର୍ମଚାରୀ ଉପକୃତ ହେବେ ବୋଲି ରାଜ୍ୟ ସରକାରଙ୍କ ପକ୍ଷରୁ ସୂଚନା ଦିଆଯାଇଛି।