ପ୍ରଧାନମନ୍ତ୍ରୀ ‘ଅପରେସନ ଝାଡୁ’ ଲଞ୍ଚ୍‌ କରିଛନ୍ତି…..

ରିପୋର୍ଟ କାର୍ଡ / ନୂଆଦିଲ୍ଲୀ

ଆମ୍ ଆଦମୀ ପାର୍ଟି ର ମୁଖ୍ୟ ଅରବିନ୍ଦ କେଜ୍ରିୱାଲ ରବିବାର ଦିନ ବିଜେପି ତଥା ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ “ଅପରେସନ୍ ଝାଡୁ” ଆରମ୍ଭ କରିଥିବା ଅଭିଯୋଗ କରିଛନ୍ତି। ସେ ଏହି ମନ୍ତବ୍ୟ ସ୍ବାତୀ ମାଲିୱାଲଙ୍କ ଆକ୍ରମଣ ମାମଲାରେ କେଜ୍ରିୱାଲଙ୍କ ସହଯୋଗୀ ବିଭବ କୁମାରଙ୍କ ଗିରଫଦାରୀକୁ ବିରୋଧ କରି ଦେଇଛନ୍ତି। ଆପ୍‌ର ସମର୍ଥକମାନେ ଦିଲ୍ଲୀର ବିଜେପି ମୁଖ୍ୟାଳୟ ଅଭିମୁଖେ ପଦଯାତ୍ରା ଯାଇଥିବା କେଜ୍ରିୱାଲ୍‌ଙ୍କର ଏହି ମନ୍ତବ୍ୟ ଆସିଛି। ଦିଲ୍ଲୀ ପୋଲିସର ସୂଚନାନୁସାରେ, ଆପ୍‌ ଏହି ମେଗା ବିକ୍ଷୋଭ ପାଇଁ ଅନୁମତି ମାଗିନାହିଁ ଏବଂ ବିଜେପି କାର୍ଯ୍ୟାଳୟ ଥିବା ଡିଡିୟୁ ମାର୍ଗରେ ଧାରା ୧୪୪ ଲାଗୁ କରାଯାଇଛି। ଆଇନ ଶୃଙ୍ଖଳା ବଜାୟ ରଖିବା ପାଇଁ ଦିଲ୍ଲୀ ପୋଲିସ , ରାପିଡ୍ ଆକ୍ସନ୍ ଫୋର୍ସ ଏବଂ ସିଆର୍‌ପିଏଫ୍‌ର କର୍ମଚାରୀଙ୍କୁ ମଧ୍ୟ ନିୟୋଜିତ କରାଯାଇଛି। ମେ ୧୩ ତାରିଖରେ ସ୍ବାତୀ ମାଲିୱାଲ୍‌ଙ୍କୁ ଆକ୍ରମଣ ମାମଲାରେ ଶନିବାର ଗିରଫ ହୋଇଥିବା କେଜ୍ରିୱାଲଙ୍କ ସହଯୋଗୀ ବିଭବ କୁମାରଙ୍କୁ ସିନ୍‌ ରିକ୍ରିଏସନ୍‌ ପାଇଁ ଆଜି ମୁଖ୍ୟମନ୍ତ୍ରୀଙ୍କ ବାସଭବନକୁ ନିଆଯିବାର ସମ୍ଭାବନା ରହିଛି। ଶନିବାର ରାତିରେ ତିସ ହଜାରି କୋର୍ଟ ବିଭବ କୁମାରଙ୍କୁ ପାଞ୍ଚ ଦିନିଆ ପୋଲିସ ହେପାଜତକୁ ପଠାଇ ଦେଇଛନ୍ତି। ପୋଲିସ ତାଙ୍କୁ ଆକ୍ରମଣ ଘଟଣାରେ ପଚରାଉଚରା କରିବ ଏବଂ ତାଙ୍କ ଫୋନରୁ ତଥ୍ୟ ଉଦ୍ଧାର କରିବାକୁ ଚେଷ୍ଟା କରିବ। ଗତକାଲି ପୋଲିସ ଟିମ୍ ତାଙ୍କୁ ମୁଖ୍ୟମନ୍ତ୍ରୀଙ୍କ ବାସଭବନରୁ ଗିରଫ କରିଛି। ଏପଟେ ବିଭବ କୁମାର ଗିରଫ ହୋଇଥିବା ବେଳେ ସେପଟେ ଜୁନ୍ ୨ ତାରିଖ ପର୍ଯ୍ୟନ୍ତ ମଧ୍ୟବର୍ତ୍ତୀକାଳୀନ ଜାମିନରେ ବାହାରକୁ ଆସିଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ। ସେ ଏକ ସାମ୍ବାଦିକ ସମ୍ମିଳନୀ କରିଥିଲେ ଯେଉଁଥିରେ ସେ ରବିବାର ଦିନ ବିଜେପି କାର୍ଯ୍ୟାଳୟକୁ ଯିବେ ବୋଲି ଘୋଷଣା କରିଥିଲେ।