ପଞ୍ଜାବ ପରେ ଛତିଶଗଡ଼ ନିର୍ବାଚନ ପାଇଁ ପ୍ରସ୍ତୁତ ଆପ୍‌….

ରିପୋର୍ଟ କାର୍ଡ / ନୂଆଦିଲ୍ଲୀ

ଆମ୍‌ ଆଦମୀ ପାର୍ଟି ପଞ୍ଜାବରେ ବିଜୟ ହାସଲ କରିବା ପରେ ସମସ୍ତ ରାଜ୍ୟରେ ନିଜର ଶକ୍ତି ପ୍ରଦର୍ଶନ କରିବାକୁ ଯୋଜନା କରୁଛି | ଛତିଶଗଡର ରାଜଧାନୀ ରାୟପୁରରେ ଆମ୍ ଆଦମୀ ପାର୍ଟି ଏକ ବିଜୟ ପଦଯାତ୍ରା କରିଛି । ଛତିଶଗଡର ପରିବର୍ତ୍ତନ ପାଇଁ ବାର୍ତ୍ତା ମଧ୍ୟ ଦେଇଛି ଆମ୍‌ ଆଦମୀ ପାର୍ଟି । ୨୦୧୮ ବିଧାନସଭା ନିର୍ବାଚନରେ ​​ଆମ୍ ଆଦମୀ ପାର୍ଟି ଛତିଶଗଡରେ ପ୍ରତିଦ୍ୱନ୍ଦ୍ୱିତା କରିଥିଲା, କିନ୍ତୁ ସେତେବେଳେ ଦଳ ଏକ ପ୍ରତିଶତ ଭୋଟ୍ ମଧ୍ୟ ପାଇ ନଥିଲା । କିନ୍ତୁ ପଞ୍ଜାବରେ ଅପ୍‌ ବିଜୟ ପରେ ପାର୍ଟିର ଦାୟିତ୍ୱରେ ଥିବା ଗୋପାଳ ରାୟ ନିଜର ବଡ଼ ବୟାନ ରଖିଛନ୍ତି । ସେ ଦାବି କରିଛନ୍ତି ଆସନ୍ତା ବିଧାନସଭା ନିର୍ବାଚନରେ ଛତିଶଗଡ଼ ପାଇଁ ଆପ୍‌ ହେବ ଏକମାତ୍ର ବିକଳ୍ପ । ରାୟପୁରରେ ଆମ୍ ଆଦମୀ ପାର୍ଟି ନେତା ତଥା ଦିଲ୍ଲୀ କ୍ୟାବିନେଟ ମନ୍ତ୍ରୀ ଗୋପାଳ ରାୟ ଉଦଘାଟନ କରିଛନ୍ତି। ଏହି ଅବସରରେ ଆଗାମୀ ବିଧାନସଭା ନିର୍ବାଚନ ପାଇଁ ତାଙ୍କ ଯୋଜନା ସମ୍ପର୍କରେ କଥାବାର୍ତ୍ତା ବେଳେ ସେ ଗଣମାଧ୍ୟମକୁ କିଛି ସୂଚନା ଦେଇଛନ୍ତି । ସେ କହିଛନ୍ତି ଅରବିନ୍ଦ କେଜ୍ରିୱାଲଙ୍କ ଦିଲ୍ଲୀରେ କରାଯାଇଥିବା କାର୍ଯ୍ୟ ଆଧାରରେ ପଞ୍ଜାବରେ ବହୁମତ ହାସଲ କରି ସରକାର ଗଠନ କରିଛି ଦଳ । ଛତିଶଗଡରେ କଂଗ୍ରେସ ସରକାର ଅଛି କିନ୍ତୁ ଛତିଶଗଡରେ ସମାନ କାମ କରାଯାଉଛି ଯାହା ପଞ୍ଜାବରେ କରାଯାଉଛି ।