ମହାରାଷ୍ଟ୍ରରେ ହରିୟାଣା ଦଶା ଭୋଗିବ କଂଗ୍ରେସ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଆଗକୁ ମହାରାଷ୍ଟ୍ରରେ ବିଧାନସଭା ନିର୍ବାଚନ ଥିବାବେଳେ ମହାବିକାଶ ଅଘାଡ଼ି (ଏମଭିଏ)ରେ ଏପର୍ଯ୍ୟନ୍ତ ଆସନ ବୁଝାମଣାକୁ ଭାଗ ଛିଣ୍ଡୁନାହିଁ । ଉତ୍ତରପ୍ରଦେଶରେ କଂଗ୍ରେସ ଓ ସମାଜବାଦୀ ପାର୍ଟି ଏକାଠି ଲଢୁଥିବାବେଳେ ମହାରାଷ୍ଟ୍ରର ଉଭୟ ଦଳଙ୍କ ମଧ୍ୟରେ ଆସନ ବଣ୍ଟନକୁ ନେଇ ବିବାଦ ଦେଖାଦେଇଛି । ମହାରାଷ୍ଟ୍ରରେ ୧୨ଟି ଆସନ ଦାବି କରୁଛି ସପା, କିନ୍ତୁ କଂଗ୍ରେସ ଏଥିପାଇଁ ରାଜି ହେଉନାହିଁ । ଏପରିସ୍ଥିତିରେ ସପା ନେତା ଆବୁ ଆଜମୀ ଏବେ କଂଗ୍ରେସକୁ ଟାର୍ଗେଟ କରି କହିଛନ୍ତି ଯେ ହରିୟାଣାରେ କଂଗ୍ରେସର ଯେଉଁ ଦଶା ହୋଇଥିଲା, ମହାରାଷ୍ଟ୍ରରେ ମଧ୍ୟ ସେମିତି ହେବାକୁ ଯାଉଛି। ଆବୁ ଆଜମୀ କହିଛନ୍ତି ଯେ ଯଦି ଆମର ଆସନ ଆମକୁ ଦିଆନଯାଏ ତେବେ କୌଣସି ପ୍ରାର୍ଥୀ ଜିତିବେ ନାହିଁ । ମହାରାଷ୍ଟ୍ରରେ କଂଗ୍ରେସ ପାଇଁ ସ୍ଥିତି ହରିୟାଣାରେ ଘଟିଥିବା ଭଳି ହେବ। ଆବୁ ଆଜମୀ କହିଛନ୍ତି ଯେ ଯଦି ଆମର ଆସନ ଆମକୁ ଦିଆନଯାଏ ତେବେ କୌଣସି ପ୍ରାର୍ଥୀ ଜିତିବେ ନାହିଁ । ମହାରାଷ୍ଟ୍ରରେ କଂଗ୍ରେସ ପାଇଁ ସ୍ଥିତି ହରିୟାଣାରେ ଘଟିଥିବା ଭଳି ହେବ। ମାଲେଗାଓଁ ଏବଂ ଧୁଲେରେ ଆମେ ଅଖିଳେଶ ଯାଦବଙ୍କୁ ଆମ ଦଳର ଶକ୍ତି ଦେଖାଇଛୁ। ଭିଓ୍ଵାଣ୍ଡି ଓ ଗୋବଣ୍ଡି ମଧ୍ୟ ଆମର ଆସନ, ତେଣୁ ଆମେ ଆମର ପ୍ରାର୍ଥୀ ଘୋଷଣା କରିଛୁ। ଆମକୁ କେବଳ ଥରେ ଏମଭିଏ ବୈଠକକୁ ନିମନ୍ତ୍ରଣ କରାଯାଇଥିଲା, ଯେଉଁଠାରେ ଆମକୁ ଚା ଏବଂ ବିସ୍କୁଟ ଦିଆଯାଇଥିଲା । କ’ଣ ଚାଲିଛି ତାହା କଂଗ୍ରେସ ଜାଣିପାରୁନାହିଁ। ସେମାନେ ସବୁବେଳେ ଦିଲ୍ଲୀ ଦୌଡୁଛନ୍ତି। ସେମାନେ କାହିଁକି ଫୋନ୍ ରେ ଯୋଗାଯୋଗ କରନ୍ତି ନାହିଁ?