୩ ରାଜଧାନୀ ଗଠନ ବିଲ୍‌କୁ ପ୍ରତ୍ୟାହାର କଲେ ଆନ୍ଧ୍ର ସରକାର……

ରିପୋର୍ଟ କାର୍ଡ / ବିଶାଖାପାଟନମ୍‌

ଆନ୍ଧ୍ରପ୍ରଦେଶ ସରକାର ବିବାଦୀୟ ୩ ରାଜଧାନୀ ବିଲ୍‌କୁ ଆଜି ପ୍ରତ୍ୟାହାର କରିଛନ୍ତି। ଏନେଇ ଆନ୍ଧ୍ରପ୍ରଦେଶର ମୁଖ୍ୟମନ୍ତ୍ରୀ ୱାଇଏସ ଜଗନ ମୋହନ ରେଡ୍ଡୀ ଘୋଷଣା କରିଛନ୍ତି। ମୁଖ୍ୟମନ୍ତ୍ରୀଙ୍କ ଅଧ୍ୟକ୍ଷତାରେ ଆଜି ବିଧାନସଭା କମ୍ପ୍ଲେକ୍ସରେ କ୍ୟାବିନେଟ ବୈଠକ ବସିଥିଲା। ଏହି ସମୟରେ ୩ ରାଜଧାନୀ ଗଠନ ପାଇଁ ଆଗତ ବିଲ୍‌କୁ ପ୍ରତ୍ୟାହାର ପାଇଁ ଆସିଥିବା ପ୍ରସ୍ତାବ ଉପରେ ମୋହର ବାଜିଛି। ବର୍ତ୍ତମାନ ପାଇଁ ରାଜ୍ୟରେ କେବଳ ଗୋଟିଏ ରାଜଧାନୀ ରହିବ ବୋଲି ସରକାର କହିଛନ୍ତି। ଜଗନ ମୋହନ ରେଡ୍ଡୀ ସରକାର ଆନ୍ଧ୍ରପ୍ରଦେଶ ବିକେନ୍ଦ୍ରୀକରଣ ଏବଂ ସମସ୍ତ ଅଞ୍ଚଳ ବିଲ୍‌, ୨୦୨୦ର ଅନ୍ତର୍ଭୁକ୍ତ ବିକାଶ ବିଲ୍‌ ଆଣିଥିଲେ, ଯେଉଁଥିରେ ରାଜ୍ୟ ପାଇଁ ତିନିଟି ରାଜଧାନୀର ପ୍ରସ୍ତାବ ରହିଥିଲା। ବିଶାଖାପାଟନମରେ କାର୍ଯ୍ୟନିର୍ବାହୀ ରାଜଧାନୀ, ଅମରାବତୀରେ ବିଧାନସଭା ରାଜଧାନୀ ଏବଂ କୁର୍ନୁଲରେ ନ୍ୟାୟିକ ରାଜଧାନୀ ରହିବା ସହିତ ଏହାର ଯୋଜନାକୁ ରୂପ ଦିଆ ଯାଇଥିଲା। ଏଥିରେ ମଧ୍ୟ ରାଜ୍ୟକୁ ବିଭିନ୍ନ ଜୋନରେ ବିଭକ୍ତ କରିବା ଏବଂ ଜୋନାଲ ଯୋଜନା ଏବଂ ବିକାଶ ବୋର୍ଡ ପ୍ରତିଷ୍ଠା ପାଇଁ ପ୍ରସ୍ତାବ ରହିଥିଲା। ତେବେ, ରାଜ୍ୟର ଆଡଭୋକେଟ୍‌ ଜେନେରାଲ ଏସ୍‌ ଶ୍ରୀରାମ ସୋମବାର ଆନ୍ଧ୍ରପ୍ରଦେଶ ହାଇକୋର୍ଟରେ ସରକାରଙ୍କ ସଂପୃକ୍ତ ପ୍ରସ୍ତାବିତ ବିଲ୍‌ ପ୍ରତ୍ୟାହାର ନିଷ୍ପତ୍ତି ଦାଖଲ କରିଛନ୍ତି। ଉଲ୍ଲେଖଯୋଗ୍ୟ, ଟିଡିପି, ବିଜେପି ଏବଂ ଜନସେନା ଦ୍ୱାରା ତିନିଟି ଆଞ୍ଚଳିକ ରାଜଧାନୀ ପ୍ରତିଷ୍ଠା ବିରୋଧରେ ବିଗତ ୭୦୦ ଦିନରୁ ଅଧିକ ସମୟ ଧରି ବିକ୍ଷୋଭ ପ୍ରଦର୍ଶନ ଚାଲିଥିଲା। ଅମ୍ରାବତୀଙ୍କୁ ରାଜ୍ୟର ରାଜଧାନୀ ଭାବେ ମାନ୍ୟତା ପ୍ରଦାନ ଦାବି କରି ଏବେ ରାଜ୍ୟରେ ୪୫ ଦିନିଆ ଅମରାବତୀ କୃଷକ ପଦଯାତ୍ରା ମଧ୍ୟ ଚାଲିଛି।