ଟିମ୍‌ ଇଣ୍ଡିଆକୁ ଅଭିନନ୍ଦନ ଜଣାଇଲେ ପ୍ରଧାନମନ୍ତ୍ରୀ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଦୁବାଇରେ ଖେଳାଯାଇଥିବା ଏସିଆ କପ୍‌ ମ୍ୟାଚ୍‌ରେ ପାକିସ୍ତାନକୁ ମାତ୍ ଦେଇଛି ଟିମ୍ ଇଣ୍ଡିଆ । ଏସିଆ କପ୍‌ ୨୦୨୨ରେ ଭାରତ ପାକିସ୍ତାନକୁ ପରାସ୍ତ କରିଛି । ପ୍ରଥମ ମ୍ୟାଚରେ ଭାରତ ପାକିସ୍ତାନକୁ ୫ ଓ୍ୱିକେଟରେ ହରାଇଛି । ଭାରତର ଏହି ବିଜୟ ପ​‌ରେସବୁ ଆଡୁ ଅଭିନନ୍ଦନର ସୁଅ ଛୁଟିଛି । ଏହି ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଭାରତୀୟ ଦଳକୁ ଅଭିନନ୍ଦନ ଜଣାଇଛନ୍ତି । ଟ୍ୱିଟକରି ନରେନ୍ଦ୍ର ମୋଦୀ ଟିମ୍‌ ଇଣ୍ଡିଆକୁ ଅଭିନନ୍ଦନ ଜଣାଇଛନ୍ତି | ଭାରତୀୟ ଦଳ ବହୁତ ଦକ୍ଷତା ଓ ଧୈର୍ଯ୍ୟ ପ୍ରଦର୍ଶନ କରିଛି ବୋଲି ମୋଦୀ କହିଛନ୍ତି । ଏହି ବିଜୟ ପାଇଁ ସେମାନଙ୍କୁ ମୋ ତରଫରୁ ଅଭିନନ୍ଦନ । ଖାଲି ପ୍ରଧାନମନ୍ତ୍ରୀ ନୁହନ୍ତି ଏହି ଅବସରରେ କେନ୍ଦ୍ର ଗୃହମନ୍ତ୍ରୀ ଅମିତ ଶାହା, ୟୁପି ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥ ଓ କଂଗ୍ରେସ ନେତା ରାହୁଲ ଗାନ୍ଧୀ ମଧ୍ୟ ଟ୍ୱିଟ୍‌ କରି ଭାରତୀୟ ଦଳକୁ ଅଭିନନ୍ଦନ ଜଣାଇଛନ୍ତି । ଗୃହମନ୍ତ୍ରୀ ଅମିତ ଶାହା ଟ୍ୱିଟ୍‌ କରି ଲେଖିଛନ୍ତି, ଏହି ଚମତ୍କାରୀ ବିଜୟ ପାଇଁ ଭାରତୀୟ ଦଳକୁ ମୋର ଅଭିନନ୍ଦନ । କଂଗ୍ରେସ ନେତା ରାହୁଲ ମଧ୍ୟ ତାଙ୍କ ଟ୍ୱିଟରେ ଲେଖିଛନ୍ତି, ଏହା ବହୁତ ଆନନ୍ଦ ଏବଂ ଗର୍ବ । ରୋମାଞ୍ଚକର ମ୍ୟାଚ୍‌ ।