ଇଡ଼ି ବାଧ୍ୟତାମୂଳକ କାର୍ଯ୍ୟାନୁଷ୍ଠାନ ନକରୁ…..

ରିପୋର୍ଟ କାର୍ଡ / ନୂଆଦିଲ୍ଲୀ

ଦିଲ୍ଲୀ ମଦ ନୀତି ମ‌ାମଲାରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ୍‌ଙ୍କୁ ପ୍ରବର୍ତ୍ତନ ନିର୍ଦ୍ଦେଶାଳୟ ବାରମ୍ବାର ସମନ ପଠାଇବା ସତ୍ତ୍ବେ ବି ସେ ଏଜେନ୍ସିରେ ହାଜର ହୋଇନାହାନ୍ତି। ଏବେ କୋର୍ଟ ସେହି ମାମଲାରେ ହସ୍ତକ୍ଷେପ କରିଛନ୍ତି। ଏହାକୁ ନେଇ କେଜ୍ରିୱାଲ୍‌ ତାଙ୍କ ବିରୋଧରେ ବାଧ୍ୟତାମୂଳକ କାର୍ଯ୍ୟାନୁଷ୍ଠାନ ଗ୍ରହଣ ନକରିବାକୁ ଦିଲ୍ଲୀ ହାଇକୋର୍ଟଙ୍କ ନିକଟରେ ଏକ ନୂତନ ଆବେଦନ କରିଛନ୍ତି। ଆଜି ହାଇକୋର୍ଟରେ କେଜ୍ରିୱାଲଙ୍କ ନୂତନ ଆବେଦନ ଉପରେ ଶୁଣାଣି ହେବ। କୋର୍ଟରେ ତାଙ୍କ ଆବେଦନରେ ଆମ୍ ଆଦମୀ ପାର୍ଟି (ଆପ୍‌) ସୁପ୍ରିମୋ କହିଛନ୍ତି ଯେ ‘‘ଯଦି ମୁଁ ଇଡ଼ି ଡାକରା ପାଳନ କରେ ତେବେ ଏଜେନ୍ସି ନିଶ୍ଚିତ କରିବା ଉଚିତ୍ ଯେ ସେ ମୋ ବିରୋଧରେ କୌଣସି ବାଧ୍ୟତାମୂଳକ କାର୍ଯ୍ୟାନୁଷ୍ଠାନ ଗ୍ରହଣ କରିବ ନାହିଁ।’’ମଦ ନୀତି ମାମଲାରେ ମୁଖ୍ୟମନ୍ତ୍ରୀ କହିଛନ୍ତି ଯେ ତାଙ୍କୁ ଗିରଫ କରାଯିବ ନାହିଁ କିମ୍ବା ହାଇକୋର୍ଟଙ୍କ ନିର୍ଦ୍ଦେଶ ଦେବାକୁ ପଡ଼ିବ ଯେ ତାଙ୍କ ବିରୋଧରେ କୌଣସି ବାଧ୍ୟତାମୂଳକ କାର୍ଯ୍ୟାନୁଷ୍ଠାନ  ଗ୍ରହଣ କରାଯିବ ନାହିଁ।