ନାଳରେ ଭାସୁଛି ବିଶାଳକାୟ ସାର୍କର ମୃତଦେହ…..

ରିପୋର୍ଟ କାର୍ଡ / ବାଲେଶ୍ୱର

ବାଲେଶ୍ୱର ଶ୍ରୀଜଙ୍ଗ ପଞ୍ଚାୟତ କଣ୍ଟିଆଚେରା ନାଳରେ ଆଜି ସକାଳୁ ସାର୍କର ମୃତଦେହ ଦେଖିବାକୁ ମିଳିଛି। ସୁଟିଂପାହି ନିକଟରେ ଥିବା ଏକ ସଂକୀର୍ଣ୍ଣ ନାଳରେ ସାର୍କର ମୃତଦେହ ଲାଗିଛି । ଏହି ବିଶାଳକାୟ ମାଛଟିକୁ ଦେଖିବା ଲାଗି ଘଟଣାସ୍ଥଳରେ ଲୋକଙ୍କ ସମାଗମ ଦେଖିବାକୁ ମିଳିଛି । ସୂଚନାଅନୁସାରେ – ମତ୍ସ୍ୟଜୀବୀମାନେ ସମୁଦ୍ରକୁ ମାଛ ମାରିବା ପାଇଁ ଯାଇଥିବା ବେଳେ ଜାଲରେ ଲାଗିଥିଲା ୧୦ ଫୁଟ୍‌ ଲମ୍ବ ଓ ୫ କ୍ଵିଣ୍ଟାଲର ସାର୍କ । ଜାଲରେ ସାର୍କ ପଡ଼ିବା ପରେ ମତ୍ସ୍ୟଜୀବୀମାନେ ସାର୍କଟିକୁ ଟାଣି ଟାଣି ସମୁଦ୍ରକୁ ନେଇଯାଇଥିଲେ । ହେଲେ କିଛି ପିଲା ତାକୁ ଟାଣି ଟାଣି ନାଳକୁ ନେଇ ଆସିଥିଲେ। ତେବେ ସାର୍କଟିର ଲାଞ୍ଜରେ ଏକ କ୍ଷତ ଥିବା ମଧ୍ୟ ଜଣାପଡ଼ିଛି।