ବରଯାତ୍ରୀ ବସ ଦୁର୍ଘଟଣା ,୨ ମୃତ,୯ ଆହତ…..

ରିପୋର୍ଟ କାର୍ଡ / ନୂଆଦିଲ୍ଲୀ

ମଧ୍ୟପ୍ରଦେଶର ବରୱାନୀ ଜିଲ୍ଲାରେ ଏକ ବରଯାତ୍ରୀ ବସ ଓ ବାଇକ୍‍ ମଧ୍ୟରେ ଧକ୍କା ହୋଇଛି। ଏହି ଦୁର୍ଘଟଣାରେ ୨ ଜଣଙ୍କର ମୃତ୍ୟୁ ହୋଇଥିବା ବେଳେ ୯ ଜଣ ଆହତ ହୋଇଛନ୍ତି। ଏହି ଦୁର୍ଘଟଣା ବରୱାନୀର ଜୁଲବାନିୟା ଥାନା ଅନ୍ତର୍ଗତ ଖଣ୍ଡବା ବଡୋଦରା ମାର୍ଗରେ ହୋଇଥିବା ନେଇ ଖବର ମିଳିଛି । ମୃତକଙ୍କ ମଧ୍ୟରେ ବନବିଭାଗର ବନପାଳ ରହିଛନ୍ତି ବୋଲି ଜଣାପଡିଥିବା ବେଳେ ୯ ଜଣ ବରଯାତ୍ରୀ ଆହତ ହୋଇଛନ୍ତି। ଆହତଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି। ଖବର ପାଇ ପୋଲିସ ଓ ଉଦ୍ଧାରକାରୀ ଦଳ ଘଟଣା ସ୍ଥଳରେ ପହଞ୍ଚି ସଭିଁଙ୍କୁ ଉଦ୍ଧାର କରିବା ସହ ତଦନ୍ତ ଆରମ୍ଭ କରିଛନ୍ତି। ସୂଚନା ଯୋଗ୍ୟ, ବରଯାତ୍ରୀମାନେ ଆସୁଥିବା ବସଟି ଖରଗୋନ ଜିଲ୍ଲାର ବେଡିୟାର ବରୱାନୀ ଜିଲାରୁ ସିଲାବଦ ଫେରୁଥିଲା। ସେହି ସମୟରେ ମାଲବେଡୀ ଗାଁ ନିକଟରେ ସାମ୍ନା ପଟୁ ଆସୁଥିବା ବାଇକ ସହ ଧକ୍କା ହେବା ପରେ ବସ୍‍ଟି ଅନିୟନ୍ତ୍ରିତ କ୍ଷେତକୁ ଓଲଟି ପଡିଥିଲା।