ବିଧାନସଭାର ବଜେଟ୍ ଅଧିବେଶନରେ ସମ୍ପୂର୍ଣ୍ଣ ଅଭିଭାଷଣ ରଖିପାରିଲେନି ପଶ୍ଚିମବଙ୍ଗ ରାଜ୍ୟପାଳ…..

ରିପୋର୍ଟ କାର୍ଡ / କୋଲକାତା

ଆଜି ପଶ୍ଚିମବଙ୍ଗ ବିଧାନସଭାର ବଜେଟ୍ ଅଧିବେଶନ ଆରମ୍ଭ ହୋଇଛି | ଅଧିବେଶନର ପ୍ରଥମ ଦିନରେ ବିରୋଧୀ ଦଳ ଗୃହରେ ଟ୍ଟଗୋଳରେ ଆରମ୍ଭ କରିଦେଇଥିଲେ । ରାଜ୍ୟପାଳ ଜଗଦ୍ଦୀପ ଧନଖଡ ବିଧାନସଭା ଆରମ୍ଭରେ ଅଭିଭାଷଣ ରଖିଥଲେ। ବିଜେପି ବିଧାୟକଙ୍କ ହଟ୍ଟଗୋଳ ଯୋଗୁ ସେ ଅଭିଭାଷଣ ସମ୍ପୂର୍ଣ୍ଣ କରିପାରିନଥିଲେ। ଗୃହରେ ରାଜ୍ୟପାଳ ଅଭିଭାଷଣ ପାଠ କରିବାର କିଛି ମିନିଟ୍‌ ପରେ ଅଧାରେ ବନ୍ଦ କରି ରାଜଭବନ ଫେରିଯାଇଛନ୍ତି। ଗୃହରେ ବିଧାୟକମାନେ ଏପରି ପରିସ୍ଥିତି ସୃଷ୍ଟି କରିଥିଲେ ଯେ ମାତ୍ର ୫ ମିନିଟ୍‌ ଚାଲି ବିଧାନସଭା ବନ୍ଦ ହୋଇଯାଇଛି। ପୂର୍ବରୁ ସରକାରଙ୍କ ପ୍ରସ୍ତୁତ ଅଭିଭାଷଣକୁ ଯେପରି ଲେଖା ଯାଇଛି ସେପରି ପଢିବେନି ବୋଲି ରାଜ୍ୟପାଳ ସଫାସଫା ମନା କରିଦେଇଥିଲେ । ହେଲେ ବିଧାନସଭା ଆରମ୍ଭରେ ବିଜେପି ବିଧାୟକଙ୍କ ହଟ୍ଟଗୋଳରେ ରାଜ୍ୟପାଳ ଅଭିଭାଷଣର ପ୍ରଥମ ପୃଷ୍ଠା ବି ଭଲରେ ପଢି ନପାରି ଫେରିଯିବାକୁ ବାଧ୍ୟ ହୋଇଛନ୍ତି। ଗୃହରେ ରାଜ୍ୟପାଳ ଅଭିଭାଷଣ ପାଠ କରିବାମାତ୍ରେ ବିଜେପି ବିଧାୟକମାନେ ଜୟ ଶ୍ରୀରାମ ଧୋନୀ ଦେଇ କକ୍ଷ୍ୟତ୍ୟାଗ କରିଥିଲେ। ବିଜେପି ବିଧାୟକଙ୍କ କକ୍ଷ୍ୟତ୍ୟାଗ ସହ ରାଜ୍ୟପାଳ ଅଭିଭାଷଣ ଅଧା ରଖି ଗୃହରୁ ବାହାରିଯାଇଛନ୍ତି। ଉଲ୍ଲେଖ ଯୋଗ୍ୟ- ନିୟମ ଅନୁସାରେ ବିଧାନସଭା ଆରମ୍ଭରେ ରାଜ୍ୟପାଳ ଗୃହରେ ଅଭିଭାଷଣ ରଖିଥାନ୍ତି । ଏହି ଅଭିଭାଷଣ ସରକାର ପ୍ରସ୍ତୁତ କରିଥାନ୍ତି | ଯେଉଁଥିରେ ସରକାରଙ୍କ ବିଭିନ୍ନ ଉପଲବ୍ଧି ଓ ଆଗାମୀ ଯୋଜନାର ରୂପ ଥାଏ। ତେବେ ବିଧାନସଭା ଆରମ୍ଭ ହେବାର ୩ ଦିନ ପୂର୍ବରୁ ଅଭିଭାଷଣ ଉପସ୍ଥାପନ କୁନେଇ ରାଜ୍ୟପାଳ ଆପତ୍ତି କରିସାରିଥିଲେ।