ବିସ୍ଫୋରଣରେ ୭ ମୃତ,୫ ଗୁରୁତର…..

ରିପୋର୍ଟ କାର୍ଡ / ପାଟନା

ବିହାରର ଭାଗଲପୁରରେ ଆଜି ଭୟଙ୍କର ବିସ୍ଫୋରଣ ହୋଇଛି। ବିସ୍ଫୋରଣ ରେ ୭ ଜଣଙ୍କ ଜୀନବ ଯାଇଥିବା ବେଳେ ୫ ଜଣ ଗୁରୁତର ଆହତ ହୋଇଛନ୍ତି। ସେହିପରି ବିସ୍ଫୋରଣ ଯୋଗୁ ୪ଟି ଘର ସଂପୂର୍ଣ୍ଣ ଭୁଶୁଡ଼ି ପଡ଼ିଛି। ମିଳିଥିବା ସୂଚନା ଅନୁଯାୟୀ, ତାତାରପୁର ଥାନା ଅଧୀନରେ ଥିବା ଗୋଟିଏ ଅଞ୍ଚଳରେ ଏପରି ଘଟଣା ଘଟିଛି। ଆଜି ଭୋର ସମୟରେ ଗାଁରେ ଥିବା ଗୋଟିଏ ଘର ମଧ୍ୟରେ ବିସ୍ଫୋରଣ ହୋଇଥିଲା। ବିସ୍ଫୋରଣ ଏତେ ଭୟଙ୍କର ଥିଲା ଯେ ଘଟଣା ସ୍ଥଳରେ ହିଁ ୭ ଜଣଙ୍କ ଜୀବନ ଯାଇଥିଲା। ମୃତକଙ୍କ ମଧ୍ୟରେ ଜଣେ ଛୋଟ ପିଲା ଓ ମହିଳା ମଧ୍ୟ ରହିଛନ୍ତି। ସେହିପରି ଆଉ ୧୨ ଜଣ ଆହତ ହୋଇଛନ୍ତି। ସେମାନଙ୍କ ମଧ୍ୟରୁ ୫ ଜଣଙ୍କ ଅବସ୍ଥା ଅତ୍ୟନ୍ତ ଗୁରୁତର ରହିଛି। ପୁଲିସ୍ କହିଛି ଯେ ଏହି ଅଞ୍ଚଳରେ ସାଧାରଣତଃ ବାଣ ତିଆରି କାମ ଚାଲେ। ତେଣୁ ବାଣ ଯୋଗୁ ଏପରି ବଡ଼ ବିସ୍ଫୋରଣ ହୋଇଥାଇ ପାରେ। ବିସ୍ଫୋରଣ ପ୍ରଥମେ ଗୋଟିଏ ୩ ମହଲା ଘରେ ହୋଇଥିଲା। ଫଳରେ ଏହା ସଂପୂର୍ଣ୍ଣ ମାଟିରେ ମିଶି ଯାଇଛି ବୋଲି ଜଣେ ବରିଷ୍ଠ ଅଧିକାରୀ କହିଛନ୍ତି। ଅନ୍ୟପକ୍ଷରେ କିଛି ଦିନ ତଳେ ଏହି ଅଞ୍ଚଳକୁ ନେଇ ଗୁଇନ୍ଦା ବିଭାଗ ସତର୍କ ସୂଚନା ଜାରି କରିଥିଲା। ତେଣୁ ଏହା ପଛରେ କୌଣସି ଆତଙ୍କୀ କାର୍ଯ୍ୟକଳାପ ଥାଇ ପାରେ ବୋଲି ମଧ୍ୟ ଆଶଙ୍କା କରାଯାଉଛି।