ବ୍ଲିଙ୍କିଟ୍ ବିକୁଛି ଭୟଙ୍କର ବଟନ୍ ଛୁରୀ……

ରିପୋର୍ଟ କାର୍ଡ / ନୂଆଦିଲ୍ଲୀ

୧୦ ମିନିଟରେ ଡେଲିଭରି ପ୍ରଦାନ କରୁଥିବା ଦାବି କରୁଥିବା ଅନଲାଇନ୍ ପ୍ଲାଟଫର୍ମ ବ୍ଲିଙ୍କିଟ୍ ପାଇଁ ସମସ୍ୟା ବଢ଼ିଛି। ଦିଲ୍ଲୀ ପୋଲିସ୍ ଗମ୍ଭୀର ଅଭିଯୋଗରେ କମ୍ପାନୀ ବିରୋଧରେ ମାମଲା ରୁଜୁ କରିଛି। ଅଭିଯୋଗ ମୁତାବକ ଏହି ପ୍ଲାଟଫର୍ମ ବେଆଇନ ଭାବରେ ନିଷିଦ୍ଧ ବଟନ୍ ଛୁରୀ ବିକ୍ରି କରୁଥିଲା। ଯାହା ଦିଲ୍ଲୀରେ ସମ୍ପ୍ରତି ହତ୍ୟାକାଣ୍ଡରେ ବ୍ୟବହୃତ ହୋଇଥିଲା। ପଶ୍ଚିମ ଦିଲ୍ଲୀର ଖିଆଲା ଅଞ୍ଚଳରେ ସମ୍ପ୍ରତି ଦୁଇଟି ପୃଥକ ହତ୍ୟା ମାମଲା ରିପୋର୍ଟ ହୋଇଥିଲା। ପୋଲିସ୍ ଅଭିଯୁକ୍ତମାନଙ୍କୁ ଗିରଫ କରି ପଚରାଉଚରା କରିବା ସମୟରେ ଏକ ଆଶ୍ଚର୍ଯ୍ୟଜନକ ଖୁଲାସା ହୋଇଥିଲା। ଅଭିଯୁକ୍ତମାନେ ପ୍ରକାଶ କରିଥିଲେ ଯେ ସେମାନେ ହତ୍ୟାକାଣ୍ଡରେ ବ୍ୟବହୃତ ବଟନ୍ ଛୁରୀଗୁଡ଼ିକୁ ବ୍ଲିଙ୍କିଟ୍ ଠାରୁ କିଣିଥିଲେ। ପୋଲିସ ପ୍ରଥମେ ଅଭିଯୁକ୍ତ ମାନଙ୍କ ବୟାନକୁ ବିଶ୍ଵାସ କରିନଥିଲା ।କିନ୍ତୁ ପରେ ସତ୍ୟ ଜାଣିବା ପାଇଁ ଯେତେବେଳେ ପୋଲିସର ଏକ ଦଳ ଗ୍ରାହକ ଭାବରେ ନିଜକୁ ପରିଚୟ ଦେଇ ବ୍ଲିଙ୍କିଟ୍ ଆପ୍ ମାଧ୍ୟମରେ ବଟନ୍ ଛୁରୀ ଅର୍ଡର କଲେ। କିଛି ମିନିଟ୍ ମଧ୍ୟରେ, ଡେଲିଭରି ନିଶ୍ଚିତ କଲା ଯେ ପ୍ଲାଟଫର୍ମରେ ଏପରି ନିଷିଦ୍ଧ ଛୁରୀ ବିକ୍ରି ହେଉଛି। ଆଇନ ଅନୁଯାୟୀ, ବଟନ୍ (ସ୍ୱିଚ୍‌ବ୍ଲେଡ୍) ଛୁରୀ ବିକ୍ରୟକୁ ଅପରାଧ ବୋଲି ବିବେଚନା କରାଯାଏ। ଏହା ପରେ, ପୋଲିସ୍ ଦିଲ୍ଲୀର ଅନେକ ବ୍ଲିଙ୍କିଟ୍ ଷ୍ଟୋରରେ ଚଢାଉ କରି ବହୁ ବଟନ୍ ଛୁରୀ ଜବତ କରିଛି। ପୋଲିସ୍ କମ୍ପାନୀ ବିରୁଦ୍ଧରେ ଏକ ମାମଲା ରୁଜୁ କରିଛି। ଏବଂ ଖୁବ୍ ଶୀଘ୍ର ବ୍ଲିଙ୍କିଟର ପରିଚାଳନାକୁ ଏକ ସରକାରୀ ନୋଟିସ ପଠାଇ ଜବାବ ମାଗିବ।