ବସ୍‌‌-ଟ୍ରଲର ଧକ୍କା, ୬ ମୃତ,୧୫ ଗୁରୁତର…..

ରିପୋର୍ଟ କାର୍ଡ / ନୂଆଦିଲ୍ଲୀ  

ଗୁଜରାଟର ଭଦୋଦରାର କପୁରାଇ ରାଷ୍ଟ୍ରୀୟ ରାଜମାର୍ଗରେ ବସ୍‌‌ ଓ ଟ୍ରଲର ମଧ୍ୟରେ ମର୍ମନ୍ତୁଦ ସଡକ ଦୁର୍ଘଟଣା ଘଟିଛି। ଏହି ଦୁର୍ଘଟଣାରେ ୬ ଜଣଙ୍କର ମୃତ୍ୟୁ ହୋଇଥିବା ବେଳେ ୧୫ ଜଣ ଗୁରୁତର ଆହତ ହୋଇଛନ୍ତି। ସୂଚନା ଅନୁସାରେ ଏହି ଦୁର୍ଘଟଣା ଭୋର ପ୍ରାୟ ୪ଟାରେ ଘଟିଛି। ଏହି ବସ୍‌‌ଟି ରାଜସ୍ଥାନରୁ ସୁରତ ଅଭିମୁଖେ ଯାଉଥିଲା। ଖବର ପାଇବା ମାତ୍ରେ ପୋଲିସ ଓ ଉଦ୍ଧାରକାରୀ ଦଳ ଘଟଣା ସ୍ଥଳରେ ପହଞ୍ଚିଥିଲେ। ସମସ୍ତ ଆହତଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି। ପୋଲିସ ଅଧିକାରୀଙ୍କ କହିବାନୁଯାୟୀ, ରାଜମାର୍ଗରେ ଏକ ପୋଲ ଉପରେ ବସ୍‌‌ଟି ଓଭରଟେକ୍‌‌ କରିବା ସମୟରେ ଉକ୍ତ ଟ୍ରଲରକୁ ପଛପଟୁ ଧକ୍କା ଦେଇଥିଲା। ଘଟଣା ସ୍ଥଳରେ ୪ ଜଣଙ୍କ ମୃତ୍ୟୁ ହୋଇଥିବା ବେଳେ ଅନ୍ୟ ଦୁଇ ଜଣଙ୍କ ହସ୍ପିଟାଲରେ ମୃତ୍ୟୁ ଘଟିଛି। ଅନ୍ୟ ଆହତଙ୍କ ଚିିକିତ୍ସା ଜାରି ରହିଛି। ଘଟଣାର ତଦନ୍ତ କରାଯାଉଛି।