ବିବାହ ପାଇଁ ସ୍ଥାୟୀ ଜମା ସମୟ ପୂର୍ବରୁ ଉଠାଇପାରିବେ…..

ରିପୋର୍ଟ କାର୍ଡ / କଟକ

ଓଡ଼ିଶା ହାଇକୋର୍ଟ ବିବାହ ପାଇଁ ପୋଷ୍ଟ ବ୍ୟାଙ୍କ ଫିକ୍ସଡ୍ ଡିପୋଜିଟ୍ ସମୟ ପୂର୍ବରୁ ଉଠାଇବା ପାଇଁ ଜଣେ ମହିଳାଙ୍କୁ ଅନୁମତି ଦେବା ସମୟରେ, ହିନ୍ଦୁ ଆଇନ ଅନୁଯାୟୀ ଏହାକୁ “ଆବଶ୍ୟକତା” ଭାବରେ ସ୍ୱୀକୃତି ଦିଆଯାଇଛି ବୋଲି କହିଛନ୍ତି। ଆବେଦନକାରୀଙ୍କୁ ତାଙ୍କର ସ୍ଥାୟୀ ଜମାକୁ ସମୟ ପୂର୍ବରୁ ବନ୍ଦ କରିବାକୁ ଅନୁମତି ଦିଆଯାଉ ନଥିବା ଅଭିଯୋଗ ସହିତ ଦାଏର ଏକ ରିଟ୍ ପିଟିସନ୍ ଉପରେ କୋର୍ଟ ବିଚାର କରୁଥିଲେ। ଜଷ୍ଟିସ୍ ଦୀକ୍ଷିତ କୃଷ୍ଣ ଶ୍ରୀପାଦଙ୍କ ଖଣ୍ଡପୀଠ ମତ ଦେଇଛନ୍ତି, ପରିବାରରେ ବିବାହ ପାଇଁ ଆବେଦନକାରୀଙ୍କୁ ଟଙ୍କାର ଆବଶ୍ୟକତା ଅଛି। ଏହା ତାଙ୍କର ନିଜସ୍ୱ ଟଙ୍କା, ଯାହାକୁ ସେ ପାଞ୍ଚ ବର୍ଷ ପାଇଁ ପାଞ୍ଚଟି ଜମାରେ ରଖିଛନ୍ତି। ହିନ୍ଦୁ ଆଇନ ତିନୋଟି ପାରମ୍ପରିକ ଆବଶ୍ୟକତାକୁ ସ୍ୱୀକୃତି ଦେଇଥାଏ। ସେଥି ମଧ୍ୟରେ ଜରୁରୀକାଳୀନ ସ୍ଥିତି, ବୈବାହିକ ଏବଂ ପରିବାରର ଆବଶ୍ୟକତା ଆଦି ରହିଛି। ଏସବୁ କ୍ଷେତ୍ରରେ କୌଣସି ଯୁକ୍ତି କରାଯାଇ ପାରିବ ନାହିଁ ଯେ, ଆବେଦନକାରୀଙ୍କର ପାଣ୍ଠିର ଜରୁରୀ ଆବଶ୍ୟକତା ନାହିଁ।