ରିପୋର୍ଟ କାର୍ଡ / ବାଙ୍ଗାଲୋର
କର୍ଣ୍ଣାଟକ ମୁଖ୍ୟମନ୍ତ୍ରୀ ବାସବରାଜ ବୋମାଇ ରବିବାର ଦିନ ତାଙ୍କ ନିର୍ବାଚନମଣ୍ଡଳୀର ଭୋଟରଙ୍କୁ ଏକ ଭାବପ୍ରବଣ ବାର୍ତ୍ତା ଦେଇଛନ୍ତି । ରାଜ୍ୟର ହାଭେରୀ ଜିଲ୍ଲାରେ ଥିବା ତାଙ୍କ ଶିଗଗାଓଁ ବିଧାନସଭା ନିର୍ବାଚନମଣ୍ଡଳୀରେ ଭୋଟରଙ୍କୁ ସମ୍ବୋଧିତ କରି ସେ କହିଛନ୍ତି ଯେ ପଦବୀ ତଥା ପ୍ରତିଷ୍ଠା ସମେତ ଏହି ଦୁନିଆରେ କିଛି ସ୍ଥାୟୀ ନୁହେଁ। ଏହି ଜୀବନ ମଧ୍ୟ ସବୁଦିନ ପାଇଁ ରହିବ ନାହିଁ | ଆମେ ଜାଣିନାହୁଁ କେତେ ଦିନ ପର୍ଯ୍ୟନ୍ତ ଆମେ ଏଭଳି ସ୍ଥିତିରେ ରହିପାରିବା | ଏହି ପଦବୀ ଏବଂ ପ୍ରତିଷ୍ଠା ମଧ୍ୟ ସ୍ଥାୟୀ ନୁହେଁ | ମୁଁ ସବୁବେଳେ ଏହି ସତ୍ୟକୁ ଧ୍ୟାନରେ ରଖିଥାଏ’। ବୋମାଇ ତାଙ୍କ ନିର୍ବାଚନମଣ୍ଡଳୀବାସୀଙ୍କ ପ୍ରତି କୃତଜ୍ଞତା ଜଣାଇବାବେଳେ କହିଥିଲେ ଯେ ସେ କେବଳ ସେମାନଙ୍କ ପାଇଁ’ ବାସବରାଜ କୌଣସି ମୁଖ୍ୟମନ୍ତ୍ରୀ ନୁହଁନ୍ତି | ସେ କହିଛନ୍ତି, ‘ଆଜି ଜଣେ ମୁଖ୍ୟମନ୍ତ୍ରୀ ଭାବରେ ମୁଁ କହୁଛି ଯେ ଯେତେବେଳେ ଶିଗଗାଓଁକୁ ଆସିଥାଏ, କେବଳ ବାସବରାଜ ହିଁ ହୋଇଥାଏ | ଯଦିଓ ବାହାରେ ମୁଁ ମୁଖ୍ୟମନ୍ତ୍ରୀ ହୋଇଥାଇପାରେ, କିନ୍ତୁ ଏହା ସତ ଯେ ବାସବରାଜ ସ୍ଥାୟୀ ଏବଂ ଏକ ପଦ କେବେ ବି ସ୍ଥାୟୀ ନୁହେଁ’ | କିଛି ଏଭଳି ଭାବପ୍ରବଣ ବୟାନ ଦେବା ପରେ ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି ଯେ ବୋଧେ ମୁଖ୍ୟମନ୍ତ୍ରୀ ପଦରୁ ସେ ଇସ୍ତଫା ଦେଇପାରନ୍ତି | ସୂଚନା ଥାଉ କି ଯେ ବୋମାଇ ଜୁଲାଇ ୨୮ରେ କର୍ଣ୍ଣାଟକର ମୁଖ୍ୟମନ୍ତ୍ରୀ ଭାବରେ ଦାୟିତ୍ୱ ଗ୍ରହଣ କରିଥିଲେ। ସେହି ଦିନ ବିଏସ୍ ୟେଡିୟୁରପ୍ପା ଦୁଇ ବର୍ଷ କାର୍ଯ୍ୟକାଳ ପୂରଣ କରି ତାଙ୍କ ପଦରୁ ଇସ୍ତଫା ଦେଇଥିଲେ।
More Stories
ନିର୍ବାଚନ ପୂର୍ବରୁ ଝାରଖଣ୍ଡ ଡିଜିପିଙ୍କ ବଦଳି ନିର୍ଦ୍ଦେଶ….
୨୩ରୁ ପ୍ରବଳ ବର୍ଷୀବ…..
ପାଣ୍ଡିଆନ୍ ଓ ନବୀନ ପଟ୍ଟନାୟକଙ୍କ ଭିତରେ ବହୁତ ଫରକ…..