କନେଷ୍ଟବଳ ଶୁଭମିତ୍ରା ହତ୍ୟା ମାମଲା:ଅଭିଯୁକ୍ତ କୁ ୩ଘଣ୍ଟା ଜେରା……

ରିପୋର୍ଟ କାର୍ଡ / ଭୁବନେଶ୍ୱର

ବହୁ ଚର୍ଚ୍ଚିତ କନେଷ୍ଟବଳ ଶୁଭମିତ୍ରା ହତ୍ୟା ଘଟଣାରେ ଅଭିଯୁକ୍ତ ଦୀପକ ରାଉତଙ୍କୁ ଜେରା କରୁଛି ପୋଲିସ । ଝାରପଡା ଜେଲରେ ଖୁଣ୍ଟୁଣୀ ଥାନା ପୋଲିସ ଦୀପକକୁ ଶୁଭମିତ୍ରା ଓ ଅପର୍ଣ୍ଣା ପ୍ରିୟଦର୍ଶିନୀ ହତ୍ୟାକାଣ୍ଡ ଘଟଣାରେ ପଚରାଉଚରା କରୁଥିବା ସୂଚନା ମିଳିଛି । କୋର୍ଟଙ୍କ ନିର୍ଦେଶରେ ଝାରପଡାରେ ଜେଲରେ ୩ଘଣ୍ଟା ଧରି ଜେରା କରିଛି ପୋଲିସ । ଭୁବନେଶ୍ୱର ଟ୍ରାଫିକ୍‌ କନେଷ୍ଟବଳ ଶୁଭମିତ୍ରା ସାହୁଙ୍କୁ ହତ୍ୟା କରି ଗାଡି ଡିକିରେ ପୁରାଇ କେନ୍ଦୁଝର ଘଟଗାଁ ନିକଟ ଏକ ଜଙ୍ଗଲରେ ନେଇ ପୋତିଥିଲା ଦୀପକ । ପୋଲିସ ଜେସିବି ସାହାଯ୍ୟରେ ମୃତଦେହ ବାହାର କରି ହତ୍ୟା ଘଟଣାରେ ଅଭିଯୁକ୍ତ ସ୍ୱାମୀ ଦୀପକ ରାଉତକୁ ଗିରଫ କରାଯାଇଥିଲା । ଗତ ଜୁଲାଇ ୨୦୨୪ରେ ଶୁଭମିତ୍ରାକୁ ବିବାହ କରିଥିଲେ ଦୀପକ । ହତ୍ୟା ପଛରେ ଶୁଭମିତ୍ରାଙ୍କ ନାଁରେ ହୋଇଥିବା ୧କୋଟି ଟଙ୍କାର ଇନସୁରାନ୍ସ ମଧ୍ୟ ଏକ କାରଣ ହୋଇପାରେ ବୋଲି କୁହାଯାଉଥିଲା ।