ରାଜ୍ୟରେ ଆଜି ୮୩୬ ପଜିଟିଭ୍ ଚିହ୍ନଟ……

ରିପୋର୍ଟ କାର୍ଡ / ଭୁବନେଶ୍ୱର

ରାଜ୍ୟରେ ଗତ ୨୪ ଘଣ୍ଟା ମଧ୍ୟରେ ୮୩୬ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ଏମାନଙ୍କ ମଧ୍ୟରୁ ୪୯୦ ଜଣ ସଙ୍ଗରୋଧ କେନ୍ଦ୍ରରୁ ଚିହ୍ନଟ ହୋଇଥିବା ବେଳେ ୩୪୬ଜଣ ପଜିଟିଭ ସ୍ଥାନୀୟ ସଂକ୍ରମଣରୁ ଚିହ୍ନଟ ହୋଇଛନ୍ତି। ଏଥିମଧ୍ୟରେ ୧୪୮ ଜଣ ୧୮ ବର୍ଷରୁ କମ୍ ବୟସର ଶିଶୁ- କିଶୋର ଥିବା ଜଣାଯାଇଛି। ଆଜି ରାଜ୍ୟର ୨୯ଟି ଜିଲ୍ଲାରୁ ୮୩୬ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି। ଆଜି ସୁନ୍ଦରଗଡ଼ ଜିଲ୍ଲାରୁ ସର୍ବାଧିକ ୧୭୫ ଜଣ ଚିହ୍ନଟ ହୋଇଛନ୍ତି। ଏନେଇ ରାଜ୍ୟ ସୂଚନା ଓ ଲୋକସଂପର୍କ ବିଭାଗ ପକ୍ଷରୁ ତଥ୍ୟ ପ୍ରଦାନ କରାଯାଇଛି। ଅନୁଗୁଳ ଜିଲ୍ଲାରୁ ୨ ଜଣ, ବାଲେଶ୍ବର ୧୬ , ବରଗଡ଼ରୁ ୪୭, ଭଦ୍ରକ ୪ , ବଲାଙ୍ଗୀର ୩୩ , ବୌଦ୍ଧ ୨୩ , କଟକ ୩୪ , ଦେବଗଡ଼ ୫ , ଢେଙ୍କାନାଳ ୧, ଗଜପତି ୬ , ଗଞ୍ଜାମ ୩, ଜଗତସିଂହପୁର ୨ , ଯାଜପୁର ୧୨ , ଝାରସୁଗୁଡ଼ା ୧୯ ,କଳାହାଣ୍ଡି ୩୭ , କନ୍ଧମାଳ ୨୧ , କେନ୍ଦ୍ରାପଡ଼ା ୩ , କେଉଁଝର ୧୦, ଖୋର୍ଦ୍ଧା ୯୧, କୋରାପୁଟ ୧୨ , ମୟୂରଭଞ୍ଜ ୭୨ , ନବରଙ୍ଗପୁର ୩୨, ନୟାଗଡ଼ ୧୭, ନୂଆପଡ଼ାରୁ ୧୪, ପୁରୀ ୩ , ରାୟଗଡ଼ା ୨୧ , ସମ୍ବଲପୁର ୮୩ , ସୋନପୁର ୧୬ , ସୁନ୍ଦରଗଡ଼ ୧୭୫ ଓ ଷ୍ଟେଟପୁଲରୁ ୨୧ ଜଣ ସଂକ୍ରମିତ ଚିହ୍ନଟ ହୋଇଛନ୍ତି। ଏପର୍ଯ୍ୟନ୍ତ ରାଜ୍ୟରେ ୧୩, ୧୮, ୧୪୫ ଜଣ ପଜିଟିଭ ଚିହ୍ନଟ ହୋଇଛନ୍ତି। ସେହିପରି ୧୩,୦୨, ୯୪୧ ଜଣ ସୁସ୍ଥ ହୋଇଛନ୍ତି। ଏବେ ବି ୬୦୦୫ ଜଣ ସକ୍ରିୟ ସଂକ୍ରମିତ ଅଛନ୍ତି।