ଡଙ୍ଗା ବୁଡି ୬ ନିଖୋଜ …..

ରିପୋର୍ଟ କାର୍ଡ / ନୂଆଦିଲ୍ଲୀ

ଉତ୍ତରପ୍ରଦେଶ ମିର୍ଜାପୁରରେ ମା ବିନ୍ଧ୍ୟବାସିନୀ ମନ୍ଦିରକୁ ଲୋକମାନେ ଯିବା ସମୟରେ ଡଙ୍ଗା ଓଲଟି ୬ ଜଣ ନିଖୋଜ ହୋଇଯାଇଛନ୍ତି  | ନିଖୋଜଙ୍କ ମଧ୍ୟରୁ ତିନିଜଣ ମହିଳା ଓ ୩ ଜଣ ଶିଶୁ ଥିବା ଜଣାପଡ଼ିଛି। ମା ବିନ୍ଧ୍ୟବାସିନୀଙ୍କ ମନ୍ଦିରକୁ ଦର୍ଶନ ପାଇଁ ଲୋକମାନେ ଯାଉଥିବା ସମୟରେ ଏପରି ଅଘଟଣ ଘଟିଛି । ଡଙ୍ଗାରେ ୧୨ ଜଣ ଯାତ୍ରୀ ଯାତ୍ରା କରୁଥିଲେ ।ଅନ୍ୟ ୬ ଜଣଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଛି । ନିଖୋଜ ମାନଙ୍କୁ ଖୋଜା ଚାଲିଛି। ଡଙ୍ଗାରେ ସକ୍ଷମଠାରୁ ଅଧିକ ଲୋକ ବସିଥିବାରୁ ଡଙ୍ଗା ଭାରସାମ୍ୟ ହରାଇ ବୁଡି ଯାଇଥିଲା ।ପୂର୍ବରୁ ୨୦୨୧ ମସିହା ଆରମ୍ଭରୁ ମଧ୍ୟ ବିନ୍ଧ୍ୟାଚଳରେ ଏପରି ବଡ ଦୁର୍ଘଟଣା ହୋଇଥିଲା। ବିନ୍ଧ୍ୟାଚଳ ଶିବପୁର ରାମଗୟା ଘାଟରେ ଡଙ୍ଗା ବୁଡିଯାଇଥିଲା।