କେନାଲରୁ ମିଳିଲା ମଡେଲଙ୍କ ମୃତଦେହ…..

ରିପୋର୍ଟ କାର୍ଡ / ନୂଆଦିଲ୍ଲୀ

ବହୁ ଚର୍ଚ୍ଚିତ ମଡେଲ ଦିବ୍ୟା ପାହୁଜାଙ୍କ ମୃତ ଦେହ ​‌ତେହାବାଦର ତୋହାନା ନିକଟରେ ଥିବା ଭକ୍ରା କେନାଲରୁ ପୋଲିସ ଉଦ୍ଧାର କରିଛି | ମଡେଲଙ୍କ ପିଠିରେ ଥିବା ଟାଟୁ ଚିହ୍ନକୁ ଦେଖି ତାଙ୍କ ପରିବାର ଲୋକ ଏହା ଦିବ୍ୟାଙ୍କର ବୋଲି ଚିହ୍ନଟ କରିଛନ୍ତି। ଜାନୁଆରୀ ୨ ତାରିଖରେ କିଛି ଦୁର୍ବୁତ୍ତ ଦିବ୍ୟାଙ୍କୁ ଗୁଳି କରି ହତ୍ୟା କରିଥିଲେ । ପଟିଆଲା ନିକଟରେ ଦିବ୍ୟାଙ୍କର ମୃତଦେହ ଫୋପଡା ଯାଇଥିବା କଥା ଜଣାପଡିବା ପରେ ଏନଡିଆରଏଫ ଏବଂ କ୍ରାଇମ ବ୍ରାଞ୍ଚ ଟିମ ବହୁ ଖୋଜାଖୋଜି କରିଥିଲା । ଭାକ୍ରା କେନାଲରେ ସର୍ଚ୍ଚ ଅପରେସନ କରୁଥିବାବେଳେ ଏକ ମୃତଦେହ ଉଦ୍ଧାର ହୋଇଥିଲା । ଯାହା ପରେ ଦିବ୍ୟାଙ୍କର ବୋଲି ଜଣାପଡିଛି। ପୋଲିସ ଘଟଣାରେ ସମ୍ପୃକ୍ତ ଥିବା କିଛି ଅଭିଯୁକ୍ତ ମାନଙ୍କୁ ଗିରଫ କରିଛି । ଅଭିଯୁକ୍ତମାନେ ହେଲେ ଅଭିଜିତ ସିଂ, ହେମରାଜ, ଓମ ପ୍ରକାଶ, ମେଘା, ବଲରାଜ ଗିଲ ଏବଂ ରବି ବଙ୍ଗା ବୋଲି ଜଣାପଡିଛି। ପୋଲିସ ଏମାନଙ୍କୁ ଗିରଫ କରି କୋର୍ଟ ଚାଲାଣ କରିଥିବା ସୂଚନା ମିଳିଛି।