ନକଲି ମୃଦୁ ପାନୀୟ କାରଖାନା ରେଡ଼…..

ରିପୋର୍ଟ କାର୍ଡ / କଟକ

ନକଲି ଜିନିଷର ପେଣ୍ଠ ସ୍ଥଳ ପାଲଟିଛି କଟକ | କେବେ ଘିଅ, ନକଲି ପନିର ଠାରୁ ଆରମ୍ଭ କରି ବିଭିନ୍ନ ନକଲି ଜିନିଷ ଠାବ ହେଉଛି | କିଛିଦିନର ବ୍ୟବଧାନ ପରେ ପୁଣି କଟକରେ ଠାବ ହୋଇଛି ନକଲି ଜିନିଷ। ଆଜି ଜଗତପୁରରେ ନକଲି ମୃଦୁ ପାନୀୟ ଫ୍ୟାକ୍ଟ୍ରିରେ ସିଏମସି ସ୍ୱାସ୍ଥ୍ୟ ବିଭାଗ ଓ ଜଗତପୁର ପୁଲିସର ମିଳିତ ଭାବେ ଚଢାଉ କରିଛି। ନାମୀଦାମୀ କମ୍ପାନୀର ଲୋଗୋକୁ ଜାଲ କରି ମୃଦୁ ପାନୀୟ ପ୍ୟାକିଂ କରାଯାଉଥିଲା। ଏହାସହ ପୋଲିସ ଓ ସିଏମସି ସ୍ୱାସ୍ଥ୍ୟ ବିଭାଗ କମ୍ପାନୀର ମାଲିକକୁ ଅଟକ ରଖି ପଚରାଉଚରା ଜାରି ରହିଛି। ଏହି ମୃଦୁ ପାନୀୟକୁ ଜଗତସିଂହପୁର, ଢେଙ୍କାନାଳ,ଖୁଣ୍ଟଣୀ,ଯାଜପୁର ଆଦି ସ୍ଥାନକୁ ପଠାଯାଉଥିଲା ବୋଲି ପୋଲିସ ପକ୍ଷରୁ ସୂଚନା ମିଳିଛି। ଚଢାଉ ସହ ତଦନ୍ତ ଜାରି ରହିଛି।